سمر الجباه وذا شعار الحويطات

[poem=font="Mudir MT,7,darkblue,bold,italic" bkcolor="transparent" bkimage="http://www.alhowaitat.net/mwaextraedit2/backgrounds/194.gif" border="double,5,darkred" type=0 line=1 align=center use=ex num="0,black""]
حنا لنا في منهج الطيب عادات =خوينا ما ننكره لونسينا
وافيين للأجواد من غير حاجات =والشح ماعمره تغلب علينا
نبذل لفعل الطيب كل الثمينات =أرواحنا وما قد تحوشه يدينا
ويشهد على ذلك كثير المعانات =باب الترف مامر مره علينا
الحال ناحل والسواعد قويات=والشمس وسمه ظاهره بالجبينا
سمر الجباه وذا شعار الحويطات=سيما وجيه مرويين السنينا
تاريخنا ماهو سوالف مجلات=مكتوب بالدم الحمر لسنينا
وتشهد لنا كل القبايل وبذات=اللي لهم بالحق منهج ودينا
و يشهد لنا من ركبوا الخيل عجلات=اللي غزونا فوقهن طامعينا
يوم الملاقى بالسيوف الشطيرات =صغيرنا ينطح زحولن تجينا
ناخذ ونوخذ والحرايب مثارات= يوما" لنا وامرار يوما" علينا
جبنا البلاد من النهر لسهيبات=والبحر الابيض يم شطه غزينا
وجينا ديار مدلهين العزيزات =نجدا" غزيناها ومنها أنغزينا
ودجنا الفرات اللي بعيد المسافات=ما فيه ديره يمها ما عنينا
عادات بدو" بالعصور القديمات= واليوم تبنا وتاب ربي علينا
وحنا لنا في قمة المجد رايات = بعزم الرجال المجد يمه رقينا
رمنا المعالي والمعالي صعيبات = وبقدرة الله دونهن ما انثنينا
مثل الرجال نعد فعلن له اثبـــات = ثبات صبع اليد بالراحتينــا
ماندعي أنا عن الناس في ذات = بس الشرف حنا أحباله بدينا
يكفي لنا فخرن بسيد البريات =مانزيف التاريخ يالحاسدينا[/poem]