الرمح يالمطني اطعني و لا اشوف افراق
إمن الحبايب شف قلبي ذايب متى الحبيب يعود
اقطع معاك بحورك وازورك مخلف وفا العشاق
تحضن اديك ايديني يا عيني يابو عيون ٍ سود
انا معك للآخر يا فاخر يا راقي الاشواق
كلك ع بعضك طيّب إحبيّب يا آخر العنقود
ارجووك لا تظلمني تحرمني من نورك الشعاق
لا فايده من هجري يا عمري واتبدله بصدود
مالي حبايب غيرك لا غيرك ابد على الاطلاق
ولى انت لو تدريبي ذا طيبي بس افهم المقصود
ودي اجي في بالك بوصالك اجدد الميثاق
لا يحرموني همسة او لمسة جديلك المفرود
اسايرك بشواقي واوراقي وآخالف الاذواق
بيحتلك احساسي يا ناسي عسى تجي وتعود
واجرلك موالي عزالي من رمشك السراق
كل الحزن بعروقي في موقي من دربك المسدود
اشكي عليك الدعوه والهقوه ما خيبت مشتاق
عل الزمان يعّجل ويخّجل فيك الوفا معهود
وآقول لك اشعاري واعذاري ثم احضنك بعناق
مدري الجفا من عقلك او ثقلك او الرجا مفقود
باجيبلك طرقيني وهجيني يسحب من الاعماق
ينثر على ناياتك واحياتك ما جبت لك منقود
لو تنتهي قيفاني وآعاني تتساقط الاوراق
كل القوافي ملكي يا مسكي من نفحتك والعود
الرمح يا المطنّي
العرض المتطور
