بسمك اللهم منزل تبارك بالكتاب= عالم اسرار الخلايق ووقت اجيالها
وياسلام الله عليكم وطاب القاف طاب= استعدي ياهجوسي لبدع امثالها
وياقصيدي وانت شيخ شجاع ولاتهاب= احتزم مال المواقيف غير رجالها
عطني جزال المعاني على حد السحاب= للرجاجيل الجزيله تساق جزالها
سوقها لاخوان عليا عزيزين الجناب= الرجال اللي تشد الرجال افعالها
هم هل العليا من اول متعبت الركاب = دايم اصيل الركايب تجي في جالها
علم ثابت الشهود الصحاري والهضاب= لوتسولف لك جبال الطبيق بحالها
علم اخو عليا رفيع المقام المستهاب= فارس روس الفوارس تعلى وطالها
رمح ابو زيد الهلالي وابن غانم ذياب= في يمينه كل هقوه كبيره نالها
وانشد الخيل الاصايل مع علط الرقاب= عن زعل مطلق شجاع الثقايل شالها
وبارك الله حفلكم ياعزيزين الجناب=ياهل العليا عساها يبارك فالها
"جــبــال الــطـبـيـق"
العرض العادي
