فتحة الاوزون

مخنوق واتنفس هوى فتحة الاوزون
قلبي يطمّني والاعصاب منهاره


كل يوم اقول اضحك عساها الجروح اتهون
ضحكات مغصوبه ولا هيب مختاره

ما بين بتلات الرياحين والدحنون
اشوفها كل الفراشات محتاره

ألوّن الدنيا واذا الدمع ماله لون
لوّنتها بلوان سلمى وسنجاره

أنا قفص صدري حمامه وسبع اغصون
تجر طاروق الحزن جر قيثاره

منهو يذكرني اذا الذاكره بتخون
ومنهو ينسيني دفا الليل واسراره

جيتك هنا يابنت واللي يكون يكون
باب انفتح ياطول دربه ومشواره

شوفي ضلوعي ترتعش من نفس كانون
قبل الشجر ما يلبس اوراق نواره

حبيبتي قالت تبي شاعر المليون
ما تدري اني جيت تأشيرة ازياره

احيان اجاملها لانها علي اتمون
واحيان هي اثقل من الثوب وازراره

لكن على ما قيل لو بالعرب مجنون
إخذ الحكم منّه ولا تهمك اخباره

وان كان هالساحه تبي عصر نابليون
شومي لشاعر يضبط الشعر واعياره

صحيح ماني بالشعر مثل ابن لعبون
شاعر واحاول اجمع الشعر وازهاره

ما هو بشعر اللي خذا نسخة الكربون
يفتل شنب ويقول ابو شهاب بالحاره

وارموشها من يوم تحكي عن افلاطون
اتجيب فيه العيد ويطيح بفكاره

وعيونها ذبح الشوارب مهيب عيون
كن طير ابو خالد الى شاف الحباره

ولسانها ما هوب قاصر ولا ملسون
واسنانها دانات في كف محاره

وباق الوصايف بختصرها بكل الكون
مابي الحسود يعود ويكثر اعذاره

وانا ادعي الله تنغلق فتحة الاوزون
والاتش ون يفارق الحب ودياره

يعطيك الف العافيه
على الطرح الشيق
تقبل مروري
تحيااااااااااااااااااتي