رضا البشر غايه شبه مستحيله

بنيت لي في ليلة الحزن محراب
وانا اتقلب في سجودي واطيله

ترى رضا المعبود نحسب له حساب
مركض ورى دنيا وامور ٍ هزيله

اموت واحيا لو على قطع الارقاب
مابدل الدعوى بدعوى بديله

والصمت حكمه للرياجيل الاشناب
وكثر الحكي ميجيب كود الفشيله

والناس لو تصمل على شلفة ذياب
ما شفت تيهات العمى في القبيله

لرضيتلك واحد زعل الف طلاب
رضا البشر غايه شبه مستحيله

لو كل من يمرض عرفناله اطباب
ماضاعت الدنيا وصارت مليله

والادمي يابنت ياخذ بالاسباب
ولى الفرج بيدين راع الفضيله

الاصل واحد والبشر طين وتراب
والكبر نقص ٍ والتواضع يبيله

حرب الدمار تهون عن حرب الاعصاب
والحسد يطلع صاحبه هو قتيله

والصدق نور وبينه فوق مرقاب
والكذب خيبه يالوجيه الجليله

اكثر نفاق الارض بقلوب الاعراب
وفيهم نفوس ٍ يبن عمي اصيله

حب التئآخي غير عن حب الاعجاب
وانا اشهد ان الحب ما فيه حيله

الدين راس المال هو زاد وزهاب
للرحله اللي سمُيّت بالطويله

الدين كنز يجمع احباب بحباب
والدين يجمع بختلاف الفصيله


الناس لو تشوفهم جمع واحزاب
أعداء الا المتقي مع خليله

فالدين عز وراحة ٍ لهل الالباب
اهل التقشف والحياه القليله

والمؤمن الصادق ترى خير الاصحاب
حطه على يمناك عند الثقيله

من خشية الله دمعته بين الاهداب
يبغا وجه ربه ويتبع سبيله

ولى المنافق بالهواجيس مرتاب
ياخاف يلقى آية ٍ ترتكيله

متحسر ٍ ويعضّ الابهام بالناب
متذبذب ٍ وده يبرّد غليله

لو ينغلقلك باب تلقالك ابواب
الانسان ما ينفع فلا تشكتيله

يالادمي دنياك لو دقت الباب
لا بد منها ماتذوق الوليله

احد ٍ على سندس وبيديه الاكواب
الحور عين وسبع إمية حليله

انهار تجري وفي واشجار واعشاب
يبشر بهالكوثر ونسمه عليله

في جنة ٍ تفتحله اكبار الابواب
يشرب من التسنيم يا سلبيله

هذا جزا من كان لله أوّاب
جنبه تجافى عن منامه مقيله

اليا قرى القرآن ينزله احجاب
بينه وبين اهل الكفر الرذيله

واحد بجهنم مسكنه شجرة الداب
يشبع من الزقوم نفسه ذليله

مخلد ٍ في النار عالوجه منتاب
والموت ذا من كل صوب ٍ يجيله

خسران والخسران بالنار قد خاب
ملايكه تُلقيه ثما ً تشيله

جلده يٌبدل حينها كل ماذاب
ذق من عذاب النار بئس الحصيله

المهل يغلي بالحشا كنّه احراب
يشرب صديد وكل نفسه عليله

في يوم ماهو ينفعه لوم وعتاب
من قدم الجزله يلاقي الجزيله

احد ٍ يمينه تمسك النور بكتاب
واحد ٍ بهاليسرى (ولا) عزتيله

وصلاة ربي عالنبي ثم الاصحاب
راع الشفاعه والهدى والوسيله

[frame="13 80"]
اللهم صلي على نبينا وشفيعنا يوم الحشر



اولا :قبل كل شي ودي تو ضح لي وانا أخوك:_



اليا قرى القرآن ينزله احجاب


بينه وبين اهل الكفر الرذيله

هل؟عجز البيت هذ ينقصه حرف(الواو)

مثلا:بينه وبين أهل الكفر والرذيله)


وقصيــــــــدتك هاذي ومعانيها يطول الحديث عنها



وتستاهل (خاتم التميز والنجمآت الخمسه))



شاعرنآ:عنـــــــــــــــــــــاد القصيــــــــــــد::

لقــب ـ أطلقته عليك من واقع ماقرأته لك وأطلعت عليه هنآ:



((واللقب هديه ))مني بأسم شبكة قبائل الحويطآت بكآمل أعضائها
[/frame]

النديم

يا نديم الشعر والقصيد

صباحك جوري وكادي

الصراحه تعجبن الاسئله جميل الشاعر يطرح نص ويلقى وجهات نظر اخرى حتى لو كانت استفهاميه او نقديه
اما بخصوص حرف الواو
في الشطر
بينه وبين اهل الكفر الرذيله

لا يستقيم الوزن الا به ويمثل وتد التفعيله ( مستفعلن) والواو يمثل بالتحديد حرف العين مستف ع لن

وبدونه يكسر البيت

اذا كانت لديك وجهة نظر اطرحها ونتعلم منك يابو احمد

مرحبا وسهلا

[align=center]
شآكر لك أيضآحك

وأنا اللذي منك أتعلم ولست أنت

أنت تجيد أوزان ربمــــــــا الشعر أكثر مني

اسعدني وجودك معي في شبكتنا

دام نبضك:ياعنآد القصيـــد

[/align]

صح لسانك أخوي عناد
على هـذه القصيده الرائعه التي ابدعت في نسج ابياتها
تحياتى لك

ما عليك زود

يا اللحيه الغانمه