الله يعز المنتدى وابن مجلاد
فهد الفهود اللي براسه نعاره
اللي على عد المناعير وراد
اهديب شام وذرب الافعال كاره
جده غدير الموت ماهوب ينقاد
اللي يقود الرجال مثل العذاره
اللي بدمه نار واديه بولاد
واللي عيونه يقدحن الشراره
مجلاد لا قالوا مع الحرب مجلاد
ذبح الشيوخ ودك روس الزباره
يشهد لابن مجلاد تاريخ وامجاد
هو تاج راس المرجله والجساره
جمّع علوم الطيب وسلوم الاجداد
في محفل ٍ يشدى لراس المناره
ماهوب محفل عنصريات واحقاد
فيه العلوم الغانمه والنماره
بيت ٍ مسوبع والعرب فيه ترتاد
ولا يدهله راع الردى والدشاره
اللي يجيك بواد والطيب في واد
ولا هوب حول الساريه والصداره
اللي يعيش احلام والصبح تنباد
يطعم إعياله لا يقلل وقاره
له وجه ابن فهره ولو جاك من غاد
يفض هرجه مثل فض البكاره
ياليت ما يمري على بطنه الزاد
شوفه غثا بال ٍ وقربه خساره
من يجهل التاريخ لا شك ينصاد
وانتم هل التاريخ وانتم قراره
اقولها واللي يبي ينقد عناد
ينقد على كيفه ويرفع شعاره
الاوّله ما تنلحق يبن الاجواد
و وش جيّب الكامل لنزر الوكاره
مدح / لابن مجلاد
العرض العادي
