بعير ٍ مـا عـرف كرسوعـه

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البليّه في بعير ٍ مـا عـرف كرسوعـه=لا يكدرهـا علـيّ امزاينـات حروفـي
والبغال اللي بجال المنطقـه المزروعـه=لا تدرعم في بساتيـن العنـب وقطوفـي
ما ملا بطن الدخيل وعينـه المفجوعـه=كود صيخ ٍ من لهب يا جاحد المعروفـي
دأب ناظم يسرج ابيوته على موضوعـه=يحسب ان ما فيه مثله خـارج المالوفـي
الشعر جاني وراثـه وانفجـر ينبوعـه=في عصا موسى تفجّر وانبعث من جوفي
الشعر ما هو شعيـر وغلـة ٍ مقطوعـه=الشعر مثل الذهب له وزنـه المعروفـي
يوم صاروا يكتبونه فـي لغـه ممنوعـه=طقطقة صوّان ولى قرقعـة غضروفـي
ليمتى والبعض ينقز من ورى جربوعـه=ما يريحنـي شويـه او يجنّـب شوفـي
للاسف صاوا فطاحل داخـل المجموعـه=من زعل يزعل وذي وجهة نظر لظروفي
الادب يبقى رساله والصحـف مرفوعـه=واللغا يهل اللغه لا مـا عليـه احسوفـي
[/poem]

الله عليك يا عناد ..اليوم تنفست الشعر حقاً
ابيات لا يستطيع ترويض حروفها الا أنت
قصيدة اجمل ما يكون ..

ابدعت وعوضت غيابك يابعدي ..

كن بالقرب فانت من يبدع ويمتع بحرفه ..

صح كللك وسلمت ..

( كانت قهوتي هذا الصباح غييييييير )

شكراً لك مني

الشعر جاني وراثة وانفجر ينبوعه في عصا موسى تفجر وانبعث من جوفي

تحق لك المفاخرة بهذه الجواهر ياعناد

فأنا أرى أن الشعر يرفع لك قبعته هنا

والقوافي أخالها أصبحت حكرا عليك

لا تتعداك إلى غيرك

شكرا لك ،،





بحة الشوق