سر يا قلم لا من طراني مكاتيب ....

[poem=font="Times New Roman,6,black,normal,normal" bkcolor="white" bkimage="http://www.alhowaitat.net/mwaextraedit2/backgrounds/16.gif" border="double,4,white" type=0 line=1 align=center use=ex num="0,black""]
سر ياقلم لامن طرالي مكاتيب=اترك هزال الهرج وعطنا ثباته

من شاعر(ن)هاجوس فكره مزاهيب=يعزف على كل البحور اغنياته

الشعر ياسرني بعض مر وغيب=اسمع رطين الجن وفهم لغاته

بنات فكري من سعدّهن مناصيب=وخيال فكري مرسلاتــه بناته

من خلقت الدنيا دروس وتجاريب=من غرته دنياه كل شي فاته

احفظ عمود الدين وخش العواقيب=ترا نجات العبد حفظه صلاته

وبوالديك تبر مطواع(ن)امجيب=يامسعد اللي تعتبر من صفاته

ولايغرك اللي بالسعه ذيب ابن ذيب=ونطالتك ضيقه تلاشى اشنباته

الادمي لا سار ما داخله طيب=صعب(ن)تقول لفاقد الشي هاته

ويا شينها ذمك لراع المواجيب=تضحك عليه ولا تسوي سواته

الطيب في غير اهله اكبر خطى وعيب=لن سيته تسبق عليك احسناته

يبقى وسيع العرف لاخابو يصيب=ويبقى عزيز النفس لابس عباته

ما عاد لي فيهم لزوم ومطاليب=ياليت راع الشاه يدفع زكاته

لو تشعل النيران روس المشاهيب=عز(ن)بشرواهم حذفنا حصاته

بكره يبين الحق وتصفى المشاريب=ويطيح وجه مروجين الشماته
[/poem]