ليل طويل

لا والله الا راح دور الـبــداوه
ودور الركاب اللي عليها الشنوفي
ومجالسن فيهـا لهلهـا طـراوه
عنها الشوايب والهزيل محذوفـي
وراح الزمان اللي لعيشه حـلاوه
واللي على الغارب رجع للردوفي
قالوا تسيّر قلت مامـن فضـاوه
قالوا علامك قلت عيّـت ظروفـي
اللي مضى بالنفس عنف وقساوه
واليوم اتخلي كل عوجـاً تطوفـي
وتضحك مع اللي لك يكن العداوه
وان صفقوا صفقت له بالكفوفـي
تخاف من دقـة خطـاة اللعـاوه
رادي نصيب وناقرٍ لـه علوفـي
يزعل عليك اللي يسوق الأتـاوه
وذلّوا معطرت النمش والسيوفـي
عين الغضب تفتح عليك السماوه
وعين الرضا لوبك خطا ما تشوفي
والمرتفع قالوا مثـل ذاك سـاوه
وشربت غثاريب الغريف العيوفي
هداج مات وجات غيـره جبـاوه
والروس قامت تـدّرق بالكتوفـي
يزعل ويرضا ماحصلـه رضـاوه
ومثله يصير بحيث تامن تخوفـي

وراح الزمان اللي لعيشه حـلاوه
واللي على الغارب رجع للردوفي
قالوا تسيّر قلت مامـن فضـاوه
قالوا علامك قلت عيّـت ظروفـي


عاشق الادب كفيت ووفيت وصح لسانك يالذيب

الابيات هذي تكفي

انعشنا بمثل هذه الابيات دوماً اخي عاشق

آحترآآمي...