قبل ماتقصر يدينك 00

[align=justify] ياحليل ( الخريده ) الي توديك وتجيبك .......خير من جيب يجي لك من ولد عمك عريه

اشهد انه مايعزك بالمواقف مثل (جيبك ).......الخوي الي ينومس لابدى اللازم خويه

ماتفكر بالصديق ولاتفكر في قريبك........ولا تهمّم بالضيوف ولا بعد عيد الضحيه

لو يضيق ابك الزمان الشين ماحي دري بك.......وان شكيت الحال بيّنت العلوم الداخليه

يذكرون الناس زلاتك ولاينشاف طيبك.......دام ماعندك دراهم فالبنوك المصرفيه

لو تكون الفارس الي بالمغازي ينغزي بك.......مثل ابو زيد الهلالي بالعصور الجاهليه

وان كثر مالك وزاد الخير ماينشاف عيبك.......تنقبل عند العرب لو كان مالك قابليه

خذ من ايام الشباب الي يعزك في مشيبك.......قبل ماتقصر يدينك عن دوى بالصيدليه

واعلم انك ماتحوش ولايجيك الا نصيبك.......ماتحصّل غير رزقك لاكثير ولا شويه

يازمان البين مالك خاتمه ربي حسيبك.......ماعرفنا نيتك هي طيبه ولا رديه