بسم الله الرحمن الرحيم
رحم الله الاستاذ والمربي الفاضل : محمد مصطفى سحلي والذي كان يعمل رحمه الله مُعلما في احد مدارس الوجه وكان مولعا ومتعلقا بثقافة وادب البادية الشعري بشكل أبدع وأجاد فيه رحمه الله .. ولأنه كان يبحث عن ذلول ( جمل ) من الاصايل توجه رحمه الله بهذه القصيدة الرائعة للشيخ محمد بن ابراهيم ابوطقيقه شيخ مشايخ الحويطات آنذاك يطلبه احد الأبل الاصايل .
ونص القصيدة يقول :
[poem=font=",6,black,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/112.gif" border="none,4," type=0 line=0 align=center use=ex num="0,black""]
البارحه من هاجس القلب سهران =عين عيوني عن لذيذ الرقادي
ظليت لين نور الشفق بان =ومليت انا من مرقدي والوسادي
ومن ضيق بالي بس ساكت وبلشان =وقل الزماله يردني عن مرادي
الا و وجودي كل ما اطريت عفران =اللي يوصلني ديارا بعادي
وياراكب اللي من سلايل وضيحان =اشقر كما وصف الظبى بالحمادي
اليا تقافى تقل طيرا بجنحان =ولا ينقضب لولا حباله جيادي
خرجه تبوكي طق مدعوج الاعيان =ولا فوقه غير الخرج هو الشدادي
يلفي على اللي وافيا كل الاقنان =شيخ ولد شيخ كريم الايادي
محمد ابوطقيقه من طويلين الايمان =من ساس ربع يخصمون الاعادي
لا جيته تلقى خير وتلقاه طربان=لعل وجهه ما يجيه النكادي
يذبح لهم حائل سمين من الضآن =و الى ٌقلطت للجار لازم ينادي
وبيت المضافه وسط ميدان =ملفى للضيوف حضر و بوادي
و يالشيخ انا مرسل كتابي وعشمان =ودي ذلول من ركاب جيادي
تعطون كبار الروس حلوات الالبان =و عدوكم ما يهتني بالرقادي
وتعطون حتى الخيل غالية الاثمان= يا مشعل تمشي عليه البوادي
انتم شيوخ البدو أول و ذلوان =و النار ما توقد بليا زنادي
وهذا كلامي فيك يالذيب سرحان =ومحتري منكم جواب الردادي
[/poem]
وبالفعل بعد وصول هذه الابيات للشيخ محمد بن ابراهيم ابو طقيقه رحمه الله اهداه مطلوبه من الابل الاصايل كما طلب و ارسل بها حماد بن سلامه الطقيقي للوجه .
رحمهم الله جميعا وغفر لهم
و يالشيخ انا مرسل كتابـي وعشمـان
العرض العادي
