يابوي ليتك حيّ وتشوف حاليღ♥ღ

يابوي ليتك حيّ وتشوف حالي !
تشوف وش هو صار من بعد فرقاك ؟

صار الوطن بعدك من الناس خالي
صار .. [ الوطن غربه ] بعد ما فقدناك

يابوي أنا بعدّك سهيرت ليالي
مقهوره من دنيّاي منّا .. ومنّاك !

حدتني الدنيا وأنا راس مالي
إني .. عزيزة نفس .. مثلك وشرواك

مافيه شيٍ في حياتي صفالي
حتى . الورود . إن جيتها صآرت أشواك

أطيح وآحمولي عليّه إثقالي
وأتخيلك مديت لي كف .. يمناك

بعدّك .. ولآ مره ترى إرتاح بالي
أصفّق على كفي ندم وآتحراك

ومن ضيقتي يا كّم أصّدق خيالي
وأقوم أدوّر عنّك وآقول بـ .. ألقاك

أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟

أدري لو إنك حي يا أعز غالي
يمديك .. تفزع قبل .. ماجيك وانخاك !

ويلآه .. ياحالي وماهو جرالي
ويلآه .. ياقلبٍ تعذب في طرياك

ويلآه .. يابويّه من أول وتالي
لا والله .. أول .. كان .. ينجيني إدعاك

واليوم من بعدك وش اللي بقالي ؟
غير إني أدعي ربي يغفر خطاياك

يالله حطّه وسط منزلآ عالي
في جنة الفردوس يارب الأفلاك

واغفر ذنوبه ياعزيز الجلآلي
واشرح لي صدرٍ ضاق من جّور دنياك




●•

الله يرحم تاج رآس كل من فقد أبوهـ ..

جميله جدا راقت لي برغم ماداخلها
من اسى والم وحزن.
لكن القصيد عندما يلامس الجروح
يكون بمثابة البلسم للمتلقي.
وهنا سأورد بيتين من مرثيتي بوالدي رحمه الله
[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قمت اتوجد عند قبره وهو ميت=مايدري اني ميت مثله وانا حي
ابكي وانادي بعالي الصوت ياليت=لكن ليت اليوم مارجعّت شي
ياوالدي في شوفتك ماتهنيت=مثل النبات اللي انقطع عنه المي
[/poem]
تسلمين فاقدها سندها على النقل,,
وترفع للمزيد من الردود.

المشاركة الأصلية كتبت بواسطة فاقده سندها

بعدّك .. ولآ مره ترى إرتاح بالي
أصفّق على كفي ندم وآتحراك

ومن ضيقتي يا كّم أصّدق خيالي
وأقوم أدوّر عنّك وآقول بـ .. ألقاك

أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟

أدري لو إنك حي يا أعز غالي
يمديك .. تفزع قبل .. ماجيك وانخاك !

ويلآه .. ياحالي وماهو جرالي
ويلآه .. ياقلبٍ تعذب في طرياك

سلمت يمينك على النقل أختي الغالية فاقدة سندها

ورحم الله أبي وأباك وجميع أموات المسلمين

دمت ودام تميزك

غاليتي


تحياتي لك..

الله يرحم تاج رآس كل من فقد أبوهـ ..

لا حرمني الله من قلمٍ رائع كـ روعتك
دمتِ متآلقه

أشكركم جميعآ على هذا المرور الذي اسعدني كثيرآ لكم مني كل الاحترام والتقدير
يارب انك ترحم ابوي وتغفرله وترحم أمواتناوأمواااااااااااات جميع المسلمين