رثائيه الشاعر/ عيد بن قيضي الوابصي ومواساه الشاعر/ محمد البياضي له .
رثائيه الشاعر/ عيد بن قيضي الوابصي في اخيه الذي توفى على اثرحادث يوم الجمعه هوزوجته واطفاله والقصيده نشرت يوم امس على اكثرمن موقع واطلع عليها الشاعر/ محمد البياضي. وتفاعل مع الموقف ورد عليه مواساة له وايضاً نشرالرد.
على الله
على الله يفرج الهم المحيـر
= ويجبر في خواطرنا كسور
ويسترنا بـ هالعمر القصير
= ويكفينا عنى دنيا الغرور
ودادي من على الدنيا تغير
= من الاحياء لاصحاب القبور
وقلبي من هوى الدنيا تذير
= لإني عابرا فيها عبور
علينا هادم اللذات سير
= وابكـانا ونسانا السرور
اخذ منا الكبير مع الصغير
= ولاوفـر من الاطفال حووور
الا ليت القدر عنهم تحير
= ولاهو لاعتراض ولا فجور
مواساة الشاعر/ محمد البياضي له :
قـدر يـاعـيـد والـمـسلم مسيّر
____________بهـذا الامـر وبـكــل الامــور
وحـنـا مـعـك لـو فـيـهـا تخيّر
____________بما نملك وبـحـسـاس وشعور
نـقـوم بـظـرفـك وعنك ونجيّر
____________حـمـل ونـوزعـه فوق الظهور
نـشـاطـرك المصيبه ما انتطيّر
____________نـخـفـف صـدمـة ٍتـبـقى دهور
مـعـك ومـع الاقارب والقصيّر
____________اثـرهـا كـي في جوف الصدور
لــهــا ومـنـهـا يـتـاثر كل خيّر
____________فجيعه تضـعـف القلب الجسور
تـهـد الـحـيـل والـفـكـر يـتحيّر
____________اصابه لحـقـت غياب وحضور
ويـامـا صـار بـامر الله وصيّر
____________قـبـل والـيـوم ولـيـوم الـنشور
ولا قصرت على حمود وبشيّر
____________اجـل يـطـرح من الجو الطـيور
بـوقـتـه في صفر ولا القـصيّر
____________وعـمـره بـالـسنين وبالشهور
مـنـيـه واقـــف ٍوالاّ مـــغـــيـّر
____________تـجـي والـصبر طيب يالصبور
وانـا اخـوك و مـعك والدرب نيّر
____________عـلـيـهـم رحـمة الرب الغـفور
رثائيه الشاعر/ عيد بن قيضي الوابصي ومواساتي له .
العرض المتطور
