شهد الكلام

عندما نبحث عن التغيير فهذا لا يعني الخروج عن المالوف

نص فكرته عكس القافية في رباعية مترابطة وتبادل الدور

بين ضمير الغائب والمخاطب وضعها هنا الشاعر..

هنا أبحث فيها عن

تواصلكم ...... ولكم المودة



ما راق لي إلا الكلام اللي نطق ثغرك حلاه
وما طاب لي إلا امتزاجه بالحلاوه في شفاك

الشهد علم نحلته تمتص من ورد الشفاه
والنحل علم شهده اشلون استعاره من حلاك

******************


الصاحب اللي خافقي يعيش عمره في رجاه
جاء يشتكي له غربته ويقول هذا ما كفاك

ارفق عليه وحن به مسكين جاله ما كفاه
أحيان يحيى غربته وأحيان يحيا في رجاك

******************

احترت واخترت التعب من شان لا نخسر رضاه
دام الرضا يمنحني اللحظات من نفحة هناك

يا حلو ساعات الرضا اللي خذتني في هناه
ويا كبر معروف الهنا اللي كسا قلبي رضاك

******************

يا طب قلبي يوم يتعسر على غيرك شفاه
ذا قلبي اللي لو تغشاه التعب ينشد دواك

الصاحب اللي شخص العله ووصف لي دواه
لا صار راضي قلت يكفيني ويقنعني شفاك

******************

هذا صوابي من سهم رمش ٍ بلا رحمه رماه
وهذا انا اصرخ تعال وما لفى يمي نداك

الله يا مسعد فؤادي يوم يتحلى نداه
والله ما اصعب حالته لا قلت هذا اللي رماك

******************

ورد المشاعر يحتضر جفاف ما بله نداه
ذبلت غصونه ينتظر غيثك يحل بحلو ماك

اذا سقاني صاحبي كاس الروى من حلو ماه
قلت اشكرك ياصاحبي ما دام بللني نداك
للشااعر..

سعيد الغامدي