اللي فتن مجنون ليلى فتني ...؟؟

من عاش وقته في تناكيد واوهام

يقضي حياته بالعوّض والتمنـي

مثلي ومن مثلي تغشته الاحـلام

وطيفك يداعبني ولا غاب عنـي

وانا الذي من جور الايام منظـام

اسكت وجرحي فالضماير مكنـي

اصبر على همي ودورات الايـام

لو كان رمح الوقت جار وطعنـي

خوف ايتقفّاني من الناس نمـام

واصير عبره بين شيعي وسنـي

واللي سواتي صدق ماهوب منلام

اللي فتن مجنـون ليلـى فتنـي

زولن مخلي جملة عروقي احيام

مانيب لا منه ولا هـوب منـي

اتلى العهد به فأول ابداية العـام

يومه على شوفي يصيح ويحنّي

واليوم قفت به ذعاذيع الانسـام

احدن تمنى واحد عاش امتهنـي

وانا اشهد ان الحظ لا طاح ما قام

وانا فقير الحظ من صغر سنـي

ابني الأمل واقـول قـدام قـدام

واقضي حياتي بالعوّض والتمني

مما راق لي...!!