أمر التحرك ( مصافحه أولى )

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

جتك القوافي يا عضيدي على اك=واخر قصيدي لك على الميم مختوم
قلبي تحفه من عنا البعد الاشواك=والحال كنه حالت اصبي مفطوم
يوم الثلوث اللي مضى عبر الافلاك=جاني خبر طير عن عيوني النوم
قلت الخبر قالوا ترى العلم قد جاك=الامر واضح والتحرك من اليوم
حمل وروح من ورى الجوف وسكاك=والمستقر اهناك لو صار ملزوم
لجل الوطن فارقت ورعاني اهناك=اودعتهم ربن على الكون قيوم
يا موطني لو راحت الروح تفداك=ويفداك شعبا يعشق الموت ويزوم
لعيون ابو متعب على الدرب ناطاك=يا خاين العشره ونفرك لك اخشوم
حتى يعرف اللي على الشر وصاك=ان البلد صاحي لمثلك على الدوم
بالمختصر مالك مع الدين مسلاك=عمرك سمعت اهل الشيع سادوا القوم
واختامها تفداك روحي ويفداك=شعبا على بيع الوطن يرفض السوم

[/poem]

*هايس سليمان احمد القبيضي
بعيد الهقاوي

صح لسان الشاعر
و سلمت يمين الناقل
قصيدة جزلة و تدل على رجولة و بطولة ابناء هذا الوطن

الاتي الاخير / سعدت وتشرفت بمرورك وصح بدنك


والناقل هو صاحب القصيده اشكرك

صح لسانك وسلمت اناملك
انشاء الله ترد بالسلامه قصيده جميله ورائعه

الله الله قصيده جميله وذات ابعاد وطنيه واخلاص وهذي عوايدكم اهل نخوه

صح لسانك ياقبيضي اجدت وامتعت لاعدمنااك

تحياتي لكـــ

صح لسانكــ وعلآ شآنكــ
وافية من وآفي
و لآعدمنـــآك

صح لسانك وعلى شانكـ
والله يعينكم ان شاءالله
وترجعو سالمين

بعيد الهقاوي ...
وين روّحت ..بنا ... الله يكثر من امثالك ..ويرزقك بر عيالك
قصيدة ..تمنيت انها ماتنتهي ...
صح لسانك مليار ..وتكرار ..
ودمت بهالابداع ...
عطنا ..من بحرك ....وكثّر

صح لسانك وعلا شانك
ابيات ولا اروع لافض فوك

الى كل من أضاء هذا المتصفح بمروره وكلماته

شكراً لكم


واعدكم بما هو أجمل ودمتم بخير


* هايس القبيضي