حنا كما سندان والطيب مطرقه

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أبطيت يا بـوم الخـراب تـروم=خليّـت هالدنيـا وجيـت تحـوم
تنعبّي الهاجوس والليـل مطوّلـه=بالله لتـزيـد الهـمـوم هـمـوم
شهيقها خيل(ن)تدابـك بهالحشـا=وزفيرهـا ميسـم وريـح سمـوم
بديت أضعف قبـل افقـد شهيتـي=وبدآل مـا آكـل نويـت أصـوم
لا ضيق الا ضيقة القبـر واللحـد=ترى المثـل هـذا كـلام عمـوم
ماهو صحيح ولا عليّه من الحتسي=لاصارت الضيقه عليك لـزوووم
الضيقه اللي جاتني تالي العصـر=لو ذقتهـا يابـو الشبـاب تقـوم
تقوم مثل الشيخ لا زبـنّ المـرى=لا ولولت وسـط الرجـال تلـوم
وحنّا كما سندان والطيب مطرقـه=نشـوش ولـىّ بالفلـوس نشـوم
أبو الخساير لـو بغاهـا يمدهـا=لا مـن كثيـر ولا قليـل يـدوم
واسمع وانا بعطيك احدى تجاربي=يالمنعـوج خـل الدفـاع هجـوم
من قبل هاك الحين جاتن وفزّعت=زبنتهـا وبنـت القـروم قـروم
لا عاد تشكي عقب ما طافك الدخل=راحت عليـك ولا عليـك ملـوم
ماغير نـمّ ويفـرج الله كربتـك=خلنـي وخـل المسلميـن تنـوم
[/poem]

ما غير نم ويفرج الله كربتك