والزين ماهو من شروط الرجوله
الزين يلقى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـاال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشاارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي وانا يابنت دلـه وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظهـا مـال
قلت احذري حذرا تكوني جهولـه
بنت البدو يابنت مضرب للامثـال
فووق الجمال وطاعة الله خجولـه
ماحطت اصباغ ولا حطـت ظـلال
ولا سيرت بالسوق سيـر مهبولـه
هي مهرة تصعب على كـل خيـال
وانتي ومثلك عسفهن بالسهولـه
قالت تغزل بي وشف حبة الخـال
ناظر عيوني والرموش الكسولـه
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصـدق تنقـال
الزين ماهو من شرووط الرجولـه
لـ الشاعر : مرزوق السلمي
ماراق لي
منقــــــــــــــــول
قالت ترى مانت ابحلوا ,,,,,؟؟؟؟
العرض العادي
