أيفون وايبود

[poem=font="Arial,6,darkred,normal,normal" bkcolor="transparent" bkimage="" border="double,4," type=2 line=1 align=center use=ex num="1,black""]

يا سعود وين الناس أبطيت يا سعود = يالصاحب اللي زاد همي اذا راح ..
شايف علي الكون يا خوك محدود = عايش عشان اعيش وآقول مرتاح ..
لاكن قسم بالله يا صاحب الجود = لول الحيا دمعي على الخد سفاح ..
كثر الذي حولي ولا حد موجود = في دار غربه علها الجدب يا صاح ..
ياسعود بين الناس مانيب مسنود = الله وكيلك عيشة اتراح باتراح ..
الله يعين القلب فايامه السود = اللي تغربل كثر ما شال ما طاح ..
اصحاب وي احباب واقراب يا سعود = ما شفت منهم خير يا سعود ما لاح ..
مدري مع العالم معذب و مقرود = وللا قدر مكتوب ماذوق الافراح ..
يا رب كانه مالي ابعيشتي فود = يسر علي الموت يا رب برتاح ..
كافي أعيش الوقت تابع و مقيود = كافي اشوف الناس ما تشفي اجراح ..
القدس ضاعت واغلب القدس مهدود = فيه العذارى تنتخي كذب الاصلاح ..
يا شعب يا ضايع ورى دقة العود = الدين ينهش به عدوه و يجتاح ..
الفن و التهريج وامزاين الذود = ما كننا أمه شكت طعن الارماح ..
وقتن صبينا شال ايفون وايبود = واول يشيل الرجل في يده اسلاح ..
يا كثرهم بالعد ضباط واجنود = ما فيهم اللي يرفع الراس لا طاح ..
يا سعود عمر الهرج ما كان معدود = خلها على الله يقلب الحزن بافراح ..
باب الفرح طول معي دوم مسدود = يا سعود بعد الله لنا أنت مفتاح ..
عجل على خلك ترا العمر محدود = يالصاحب اللي زاد همي الا راح .. [/poem]
..
... عندما يكون الكلام من فضة فالسكوت من ذهب ...