البنيه طالبه ايباد وأخوها سرير

[poem=font=",6,orangered,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البنيه طالبه ايباد وأخوها سرير=عندهم لكن يبو موديل بادي بالظهور
ياعيالي اسمعوا ذي قصتي والامرخير=بس لازم تعرفوها يمكن يروح الغرور
لاتحسبوني زمان بقصر وفراشي حرير=كنت انام بلا غطا وكنت اصوم بلا سحور
عشت انا وسط الصنادق كلها برد وهجير=والحصيرة فرشتي والأرض مليانه جحور
والمطر يدخل على بغرفتي تدعي غدير=تنشف هدومي علية بالضحى لاشق نور
ماشكيت ولا بكيت وما طلبت اشرب عصير=والملاهي حقتي بين التناضب والصخور
تلفي الضيفان باستمرار وأبونا فقير=الصحن لضيوفنا وحنا الحكاكة بالقدور
بيتنا ملفا زمان للكبير ولصغير=في زمانآ لامطاعم لافنادق لاقصور
وقتها ماهو كما هالحين به خير وفير=ذا زمنا خير به حتى الردي مآبه قصور
اذكر ابويه ليا جاء الضيف نسمع له زفير=يفرح بضيفه ولكن مامعه حق الفطور
كان يرسلني على كلابي ابو حميد كثير=والمقاضي دين والضيفان ماعنهم عذور
واذكر امي من صباح الله تعجن بالفطير=والدلأل الصفر ولشاهي بمجلسنا حضور
والظهر تطبخ غداءنا حاف بس سمن ومضير=والحلاوة فول سوداني نسفه بالقشور
ماتو الشياب والدنيا بعدهم ماتنير= والله اني في فعايلهم وسيرتهم فخور
يالله اني طالبك ياربنا ونت المجير=ارحم امي وارحم ابويه طلبتك ياغفور
[/poem]

قصيدة مُحكمة
رجعت بنا للزمن الجميل للبساطة للوجوه البيضاء
لجمال النفوس
للنساء المثابرات المخلصات
للرجال الكرماء
لكل شيء رغم ندرته جميل
القدير / محمد البلوي
نص من أروع ومن أرق ما قرأت
سيبقى في ذاكرتنا وسيداعب مشاعر الكثير
بورك قلمك أخي
وتقبل مرورنا البسيط

اشكر اختي مرورك العطر وتواضعك وتشجيعك لي بكلامك الطيب

صح لسانك ع القصيده الرائعه

اعجبتني بصدق سلم قلمك ودام نبضك الراقي
تقبل مروري البسيط

يعطيك العافيه علي كلامك الراقي تقبل مروري