مديت لك يمناي عطني يمينك............!

خذني معك .. من وين ما رحت .. وياك
خذني بقلبك .. دام قلبي .. رهينك


صعبه ترى لو شفت .. وشلون ابسلاك
لو طفت هالعالم .. تراني سجينك

عذبتني .. واشقيت روح ٍ تمناك
لو ( الهوى ) ينطق .. وربي يدينك

مات الغلا .. ينزف على درب ذكراك
رغم الجفا .. لا زال .. يرجي حنينك

بعدك حياتي .. كلها ضيق .. وارباك
الواقع .. اللي .. ما تمناه .. عينك

كل المشاعر .. في غيابك .. تحراك
تصرخ عليك من الوله .. حيل .. وينك

مقدر على بـُـعدك .. حشى كيف فرقاك
هذي الحقيقة .. خلها .. في يقينك

ادري تساومني برووعــة .. مزاياك
وتدري اضيع .. إليا بدالي .. جبينك

همك عذاب .. اللي نسى الناس .. لرضاك
وهمي اشوفك .. مهتني .. في سنينك

لو تطلب اسنين العمر .. من فداياك
سلمت لك عمري .. براحت .. يمينك

منك احتملت من الشقى فوق .. ما جاك
ذقت العناء والهم .. كني ..حزينك

يكفي .. دخيلك ( حس ) باللي ترجاك
لا عاش منهو .. يا حياتي .. يهينك

تعبت مالي .. بالهوى غير .. دنياك
مديت لك يمناي .. عطني .. يدينك

اعاهدك .. ببقى على الحب .. منساك
عهد ٍ قطعته .. بين قلبي .. وبينك

قصيدة رآئعة صح لسآن شآعرها
وسلم ذوووقك ي بعدي !

رزه شماليه
دمتى ودام لنا قلمك المميز
يعطيك العااااااااااافيه

يسلمو اختي صمتي سؤال على مرورك

يسلمو اخوي عربي الحويطي على مرورك