الحكاية زي الشمس باينه

فضيعه انتي يبت ياحسنيه
مفهمتي(ش) الإشكالية
وربينا انتي عبيطة وغبية

الحكاية زي الشمس باينه
حكاية ناس عايشه
في زمنها تايه
مش عارفه الحقيقة ايه
مش عارفه خايفه ليه
تعمل نفسها ناسيه
لاهية في معيشة قاسيه
تنحت بصخره صلبه
تبحث عن لقمه طريه
بليله ظلمه زي الفحمه
لحياتها عايفه رجاله
عايشه بالمها وهي ضايعه
تسال نفسها وهي ساكتة
ليه الدنيا معدشي فيها رحمه..؟
وناسها مسطوله بوسط زحمه
تركض ورى لذه محرمه
تعصرها نزله معوية
حاسة بدوخة يوميه
دوختها شوارع غريبة
بأرض بلادها العربية
خايفه من ظلم الانظمة
عوزه تعيش بسلامه
حتى لو مش رضيه
بعيشه صعبه بحته زحمه
ناسها ع الفطره شعبيه
غلبانه بقلوب طيبه
املها تعيش بشفافية

بدون أي كذبه
او وعود منسيه
من شلت عربجيه
قالو عنهم اهل كلمه
وأصحاب مسئوليه
هم بالأساس
شويت بلطجية
بزمن تبدلت فيها
الاشياء الاصلية
بقى سيدها
صاحب الملكيه
لأكثر الاوراق النقدية
اتباعه شلة عنصريه

تسقف له بحرارة قويه
عاشقه للعملة العصريه
باعوا انفسهم السيئة
بشويت قروش حديديه
حرامية تسرق برقه
وتركيزها ميه × الميه
تقوم بادوار متفبركه
دكاترة محترفه
بكلمه طيبه تلعب بحرفه
وحنكه اعلاميه
تزور احداث واقعيه
بـ اوراق رسميه
إداري فضيحة عالميه
تبتسم ببسمتها الذهبية
ضاعت كرامة الانسانية
مع فساد قلوب مخفيه
تملك جرائه كافيه
تشخط يوقاحه وهنجعيه
لانها من اهل المحسوبية
هي فوق الانظمه القانونيه
رجاله معندها(ش) وطنيه
ولا في قلوبهم حتت رحمه
مبسوطة بالحياه متهنيه
تاكل لحمه يوميه
تنهب بخسة وخفيه
اموال شعبيه
بحجه بناء مدينه
اقتصاديه عصريه
عوزه مصروف لأجازه صيفيه
تتمشى فيها بدول ارو بيه
طولت سفرتها وغيبتها
جناية
عطلت مصالح قوميه
لاهل حواري تاريخيه
من ثقافات شعبية
اشياء مالها (ش) لزمه
مجرد ناس فقريه
ساكنه يحته منسيه
بعين مسئول نسى حلفانه
اغتر بمحسوبية زمانه
ضيع الامانه

ياويلوه ياويلوه
من ربنا شايف افعاله

بقلم / محمد الحويطي