(الحويطات التكافليـــه ) ....لتبقى لكم ...

[align=CENTER][table="width:100%;background-image:url(http://memo2memo.googlepages.com/BlackBackground.jpg);"][cell="filter:;"][align=center]


صباح / مساء ..الخير عليكم أخواني أعضاء شبكة قبائل الحويطات ..

فالحقيقه موضوعي اليوم كان في بالي من زمان ...ولكن حصل موقف خلاني

الزم على تنزيله ..أخواني سوف أسرد عليكم قصه حدثت "لشاب من القبيله "

أمس أتصل علي واحد من أخوياي وقال (الشباب) متجمعين في الكازينو الفلاني

تعال ..قلت طيب ..!!

والله ورحت وجلسنا بالجلسه طبعاً كان محلي مواجه (باب الغرفه) ..الا وشوف

ولد فالعشرينيات يحوم وسبحان الله عرفت انه من ربعنا من دميته ..

أقبل علينا ..قلت له حياك الله ..سلم على أخوياي ..وسكت شوي ..ثم قال ياشباب

القى عندكم (دخان) قلت أبشر واعطيناهـ ..وجلسناهـ ..

المهم دار الحديث (بيني وبينه) لاني ابي أعرف من لهجته هو من ربعنا أبي أتأكد

المهم تأكدت أنه من الربع بعد ماقال أنا والله جاي من البر الفلاني والديره الفلانيه .. قلت أنت (حويطي) قال نعم ..
فعرفته على نفسي ..

حينها قلت له أكيد عندك شغل فتبوك ..!!.

قال : اي والله اطلع أُثبات ..

المهم ...دار حديث بيني وبينه عندما ذهبوا الشباب اللي كانوا موجودين ..

فأنصدمت بأشياء قسم بالله تدمي القلب ..

ولد شباب 27 سنه ...تارك أمه فالبر عند الحلال وعندها موتره (الددسن) ..وجاي تبوك من يوم الثلاثاء الماضي ..ومعاه 50 ريال ...!!!!

قلت له مالك جماعه ولا اخوان ولا عيال عمك هنا ..؟

قال ..ياخوك والله عندي خال هنيا ..بس والله أن هالزمن ماهو زي زمان ..!!

واكمل كلامه قال والله لي اربع ايام أسولف مع نفسي مااعرف احد بتبوك وضاقت فيني الدنيا .. !!

المهم سئلته وين تنام ..؟

قال : والله كل يوم يطردني بنقالي .. !! ..انام فالكزينو الفلاني .. واطلع واروح الكزينو الفلاني ..اروح ..اصلي الفجر ..وانام بالمسجد ..!!؟؟

انا ولعت ..قلت الحين انت وش مقعدك هنا لييييييييه ماتروح عند اهلك .. طز على الاثبات اللي يجيب المذله ...!!

قال : خلاص بكره انشالله يعطوني ياه ..ونذرت على نفسي ما أطب تبوك .. !

المهم سئلته قلتله معاك جوال ؟

قال :لا ..

قلتله وأمك كيف تتصل عليها قال والله هي تستناني لانها بالبر وعندها السياره وتبغاني انزلها على ذيك المحافظه القريبه ..لهم بيت هناك ..!!

قسم بالله ..قطع قلبي الادامي لدرجة اني قلت ان وش جابني الكزينو الملعون .. !!

لاتسئلوني وش سويت معاه لانه كل الكلام اللي دار فوق ماهو موضوعي ...!!


كم عدد اصحاب الايادي البيضاء فالقبيله ....كثير

كم ولد عم لك او ولد من جماعتك محتاج ...... كثير ..
كم واحد فينا يوم تجيه فلوس ونوى يتصدق فيها ..يقول ..(الأقربون أولى بالمعروف)

كم ولد عم فينا ..ذل السؤال..جبره ياكل تبن ويسكت وهو محتاج ..!!؟؟


انا ادعوكم ومن هذا المنبر ..

ااننا نفتتح (قسم الرعايه التكافليه لابناء القبيله ) ...

ويكون القائمين عليها اناس مشهود لهم بالخير والصلاح ... !!

وتكون طبيعة العمل عبر الرسايل الخاصه والزيارات ..للعوائل المحتاجــه والشباب اللي مو قادرين يكملوا دراستهم والسبب هالفلوس .. !!

اترك لكم تكملة موضوعي ...!! ..




[/align][/cell][/table][/align]