{{ أطلال الصالحية }}

من الأرشيف .. وعذرا إن لم ترق لذائقتكم

[poem=font="Mudir MT,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تذكري يالصالحية صرخة المولود=يوم دوت بالفجاري صحت العربان
تذكري أم الجميع وتذكرين العود= تذكريهم ياعسى يرحمهم الرحمن
تذكرين بويت طين ضمنا بسهود=تذكري ماقد خلا من خطرة الضيفان
تذكري طيب النفوس وكيف تنبض جود= تذكري وشلون كان الكل فيك أخوان
تذكري جاد المطوع والخبيل سعود =تذكرين ابومحمد راعي الدكان
تذكري أحمد وناصر تذكري عبود = تذكري يوم يتحدوا من تحب إيمان
تذكري ذاك الغرير المزعج المقرود= هو أنا يالصالحية أحمد الشيطان
جيت أضمك والوله عدى ثلاث عقود=من سواك يبل ريق الضامي العطشان
جيت لك يالصالحيه متعب مهدود=جيت لك كلي تغير جيت شبه إنسان
جيت لك والمتن شايل هم كبرالطود= جيت لك ياآمن وطن من غربة الأزمان
‍جيت أدورعن بقايا حلمي المفقود=جيت أبي نسمة هواك تّطفي النيران
جيت لك باعطيك علمي بالليالي السود= جيت لك بآخذ علوم الصحب والخلان
جيت أراجع ذكريات آآآآآه ليت تعود=علميني هي بقت أو طالها النسيان
علميني ليه قلبي بالألم معقود =علميني في خطاي إن كنت أناغلطان
علميني ليه وقتي صار كالجلمود =علميني ليه قفل عني ألبيبان
علميني بالأمل هو باقياً موجود؟=علميني وين أبلقى للفرح عنوان؟
صدقيني من تركتك بالشقى موعود=شوف عينك شاب راسي من لظى الحرمان
[/poem]