السلام عليكم ورحمة الله وبركاته
من أجمل القصائد التي قرأتها وارجو الاهتمام بهذه القصيده لعظمتها
قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم .
فقاااااااال الشااااااعر:
سجه مـع الهاجـوس طبيعـة ٍ لـي
طبيعة ٍ بامـوت مـا جـزت عنهـا
أشكي على الخلاق وأرفع لـه إيـدي
لا كثـرت الأفكـار بيـفـك منـهـا
أما الكرم قد فـاز بـه حاتـم الطـي
حتى الفرس من شان ضيفه طعنهـا
خلوني أكرم في حياتي وأنـا حـي
ولا مت ما أدري جثتـي مـن دفنهـا
خلقت في الدنيا وأنا ما معـي شـي
وأباروح منها ما معـي شـي منهـا
مسكين ياللي تحسب الواجـد شـوي
والعافية لـو تنشـرى وش ثمنهـا
يا جاهل الدنيا تراهـي كمـا الفـي
يامخبل اللـي فـي حياتـه ومنهـا
إن ناحرت لك قامت تـروح وتجـي
مثل الذلـول اللـي طويـل ٍ رسنهـا
وإن أدبرت خلتـك طايـح ومرمـي
وكم واحد ٍ له حاجـة ٍ مـا ضمنهـا
لا بد مانرحل عـن المـزح والغـي
ونسكن بيوت ٍ قبلنـا مـن سكنهـا
النفس مثل الغصن عايش على الري
ولو لاه كل النـاس عافـت وطنهـا
يالله عسى الحسنات تقضي على السي
لا قرّبـوا للنفـس ذرعـة كفنـهـا
وسلامتكم...
مماراق لــ بـن غـازي
خلوني اكرم في حياتي وانا حي ,,ولامت مدري جثتي من دفنها
العرض الشجري