بعد هالعشره وطول السنين اللي على شانـــك ،،،،،،،، تجرعت المرار بصبر وقربك كان يكفيــني
رحل أجمل شبابي وش بقالــــي غير حرمانك ،،،،،،، وأنا ياكبر لوعاتي وهمـــــي يانضر عيـــني
غـــدى جوفٍ من أيام الصبى روضك وبستانك ،،،،،، صحـــــارى لاهجرهــا السيل وطول أسنيني
أبي أرحل رحيلٍ مر وأبعد عن ثرى أوطانــــك ،،،،،، عساي أنساك أنا من قبل هـــم القلب يرميني
ولاكن وش يفيد البعد دام القلب عنونــــــــــك ،،،،،، لوأرحـــل لآخـــــر العالم لقيتك بينه وبينـــي
أحبك والله أن يبقى الوفا في قلب ماخـــــانــك ،،،،،، أحاسيسه عصت نفسٍ بطرد الغيد تغرينـــــي
ماشاء الله تبارك الله إذا هذا القديم والبداية فكيف الجديد
الشاعر الراقي حسين سلم بنانك ونبضك للكلمات الجميلة وتكفي انها صادقة ونابعة من القلب وادعو الله لك التوفيق والتميز والاستمرار
والى الامااااااااااام
دمت بسعادة ورقي
الأخت والشاعره الرائعه مسلمه أشكرك أختي على هذا الأطراء اللذي
أرجو أن أستحقه . وأقول لكي الحمدلله على سلامة العوده فلقد أفتقدناك منذ مده ليست بالقصيره نتمنى لك
التوفيق وأن نرى ثمرة هذا الغياب ومن طول الغيبات جاب الغنايم لاتبخلي علينا بالجديد
ولك كل التحيات والأحترام والتقدير
من حنانك ماتبقى غيرها ريـــحة ثـــــيابـــــــك ،،،،،،،،، من غلاك آضمهـــا وأدعيلك بجنــــة نعيـم
شف صغيرٍ كان لك سلوى بعد ليلٍ سرابــــــك ،،،،،،،،، كيف سوابه زمانه وأشتكى ضــــلمٍ وضيـم
لي ثمان سنين يومٍ القدر مني غــــــدابــــــــك ،،،،،،،،، نامت عيوني بقربك وأشرقت شمسي يتيـم
ليت تدري وش جرالي من بدت رحلة غيابــك ،،،،،،،، والله أني من فقدتك دوم ملتـــــــاعٍ ســـقيـم
مجلسك وأوجارك اللي زينته يومه زهـــــابـك ،،،،،،،، فارقه نورك غدى عقبك من الهيبه عديــــم
ليتني ساعة رحيلك ذاهبٍ ساعة ذهـــــــــابك ،،،،،،،، والثرى اللي ضم مثلك ضمني بقربك مقيــــم
صح لسانك يا أبو سيف...شاعر بكل ما تعني الكلمة من معنى...وعندي خبر أن هذه القصيدة في أبوك رحمة الله رحمة واسعة واسكنة فسيح جناته
ويرزقك بواحد مثله يكون قرة عين لك...تقبل مروري وتقبل هذه الأبيات المتواضعة من أخوك / متعب المتعب
جاني جوابك يا أدعج العين لزام...............وأنا على درب المحبة قريتك
لا ينشغل فكرك ولا هاجسك دام...............القلب عاشق والشرايين بيتك
والله لو هو للمحبين حكام...................جمعت همي وللعدالة شكيتك
لأنك جعلت القلب مدمي له أعوام.........وهمة يزيد هيام لامن طريتك
وحدك بسوق القلب باني لك خيام.......وطيفك يجي دايم وانا ما رئيتك
بس المهم إنك على خافقي وسام........والضيف أنت وللمحبة دعيتك
وأتمنى ان تتقبل مروري المتواضع والأبيات المتواضعة جداً....وأتمنى لك دوام الصحة والعافية....
رد: خواطر وقصائد قديمه لم تكتمل
العرض المتطور
