النصـــــــــــــايح العشــــر

[frame="1 95"]
[poem=font=",6,red,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]


عبدالله اسمع هرجي الزين ياابوك=واحفظ كلام ابوك يوم(ن)يقوله
هذا كلامي واسمع العلم مدروك=ودي اورث فيك علم ورجوله
الاوله واهلك على الدين ربوك =والدين راس المال للي احفظوله
والثانيه اكرم ضيوفك الى جوك=الضيف حيه قبل نوخ الرحوله
والثالثه اوصيك تاقف مع اخوك=اسند عضيدك خل طولك بطوله
والرابعه لو بالحفى تدعس الشوك=حرصك تجي رجال تطلب ذلووله
والخامسه اعرف رفاقه يماشوك=والرجل يحذر من اصحاب اضحكوله
والسادسه لاتفشي السر ضروك=سرك بصدرك للعرب لاتقوله
والسابعه ود القرايب يودوك=اللي يود الربع ربعه يجوله
والثامنه مال(ن) به احسان مبروك=والله يبارك نفس ماهي بخوله
والتاسعه عصفور باليد مملوك=خير(ن)من اللي معتلي ماتطوله
والعاشره ربي عيالك يعزوك=ازرع وتجني ماانزرع بالطفوله
هاذي نصايح عشر مني وانا ابوك=والحلم في بعض المواقف رجوله


















[/poem]
[/frame]