الحمد لله على سلامتكم وعودتكم للوطن ياخادم الحرمين الشريفين
YouTube - ‫عودة ملك وفرحة وطن‬‎
[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الحمدلله ياملكنا تعافيت=واغلى هديه رجعتك بالسلامه
ياخادما طيبه وياخادم البيت=ياموليا دين الاله اهتمامه
شعبك على شوفك يزف الزغاريت=وايضا يقدم لك عظيم احترامه
عم الفرح دار الوطن يوم طليت=كلن عن الفرحه يعبر كلامه
يابدر ياللي في سما الطيب ضويت=ياغيث يهطل من غزير الغمامه
اعلنت نهج الحكم يومك توليت=واغدقت من يمناك طيب وكرامه
تسعى للم الشمل لاصار تشتيت=ويزعجك شق الصف ولا انقسامه
في ناظر العالم سموت وتعليت=واصبحت للحكام رمز وعلامه
دامك على اكرام الخصايل تربيت=يكبر معك طبعا الوفا والشهامه
بعض الشعوب بقلبها رددت ليت=امثالكم يملك عليها زعامه
لما سمعت بكارثة جده اوليت=جل اهتمامك للمواطن حزامه
جده تخالط صوتها بالتنهايت=وحي النخيل ارثاه حي السلامه
الكل ينشد يوم طولت وابطيت=كلن على شوفك تعاظم هيامه
حتى صغار البيت تسأل هل البيت=وين المليك اللي صدوق ابتسامه
وعمان والدوحه ومسقط مع كويت=والقاهره وابو ظبي والمنامه
هذي مشاعر من خفوقي وغنيت=فرحة مواطن لك يبلغ سلامه
شاعر حويطي رحب بعالي الصيت=وينقل تحيات القبيله كلامه
يالله انا طالبك يا محيي الميت=تسعد ملكنا وتحفظه في مقامه
[/poem]
مسـلم عواد الحــويطـي
رد: فـــــرحة وطــــــــــن(قصيده)
العرض العادي
