قصيدة للشاعر/ خالد العلياني في الشيخ / تيسسير ابو طقيقه

ما كل من يلبس المشلح يسد اللزوم
الله كم واحد لبسه لكن اظلمه
.
يزهى به الي على القاله يطيح و يقوم
الي لاجاه لازم الرفقة يحث اقدمه
.
أمثال تيسير ابو طقيقه يا جعله يدوم
الله عسى مثله و شرواه ما نعدمه
.
شيخ بفعله رقى القمة و عالي الرجوم
حاش المرجلة و اخذ له تاج واخذ اوسمه
.
اسمه و رسمه وقسمه من كبار القسوم
يعني خذا المركز الأول بالمقدمه
.
سلام تسليمة تنصى الرجال القروم
تسليمة من تبوك الين وادي دمه
.
على الحويطات هل القالات و اهل السلوم
عدوهم قبل ما يبدي لهم تلطمه
.
اهل الوفا والشهامة و الكرم و العلوم
الغمر منهم في المدة يبين كرمه
.
قلته و ربعي سرب عليان مثل السهوم
تسوق في لطم العياله و تولمه
.
من غير نقص في عيال القبايل عموم
كلن معه مجد و تاريخ يقدمه
.
سلام تسليمتن تنصى الرجال القروم
تسليمتن من تبوك الين وادي دمه


الشاعر / خالد بن طمام العلياني