قالت من اين وقلت ياحلى علامه=من وادي بليطيح لا وادي العيـن
رجل عريب جدود راعي شهامه=لو مارصيدي يالجميلـه ملاييـن
في مامضى ياما حمينا الجهامـه=وياما وقفنا دونها ساعة البيـن
لونا فقارى محتميـن الزعامـه=غصب عن اللي بالدراهم سلاطين
لنا بخـد المجـد يابنـت شامـه=من سابق الدنيا وتبقى بعد حين
ابوي وصانـي وحافـظ كلامـه=يقول لاتصاحب رجـالٍ ذليليـن
وارفع مقامك عن دروب الرخامه=اللي ليا جا لازمه غاب مايبيـن