يا بنت خِفّي الصوت وش فيه عقلك طار
و اتقولي عقب الحب وش بك تخلّيني
لا تمسكين الثوب قطّعتي الأزرار
ماني من العشاق يا بنت فكّيني
أنا اتسلّى بالمكاتيب و الأشعار
و أشف من كوب العسل ما يكفّيني
أطوف حول الجمر مـ ادوس فوق النار
لو إحترقت بجمرها ما تفيديني
أسامر النجمات و أسلّي الأفكار
و ألاّ الخطا حد الولي بينه و بيني
كلّن تناساه المخاليق غير العار
غلطه وحيده للمهالك تودّيني
هرج الشرف يا بنت يبقى مدى الأعمار
ما نرفعه بمرافعات المحاميني
و ترى الهوى لا من تفلّت يصير إعصار
يشتال في دربه عروش المحبيني
حتى كبار القوم صاروا معاه صغار
كم راح بأسبابه ملوك و سلاطيني
بس الذكي يضبط غرامه على المقدار
لا يحرَم النظرة و لا يطرف العيني
و أنا من رجالٍ تحَشم الخوي و الجار
عن زلّةٍ تِفرح قلوب المعاديني
يا بنت هذا العلم و إبقي من الأطهار
روحي حماك الله و أنا الله يحميني
الإهداءات
حدود الهوى 
العرض العادي
