احبتي انقل اليكم هذه الوجدانيه وهي من اجمل ماسمعت في الوجد وكم تمنيت ان اعرف اسم شاعرتها ولاكن تعذر ذالك ومن لديه العلم يوافينا به ولكم شكر وتقديري واترككم مع هذه المخمليه العذبه (معشي الذيب)


البارحـه همـي طـوى خافقـي طـي
........وأوقد سعيـر الحـزن جمـر وشظايـا
تكفى ياليلـي خفـف جروحـك شـوي
........تعبت أشـوف عيـون صبـري عرايـا
كريـم ياجرحـي مثـل حاتـم الطـي
.........لا والله إلا زود وأكـثـرعـطـايــا
تسهـر معـي إليـن مايبلـج الـضـي
.......وتواصل السهـره إلـى أخـر مدايـا
وإلى غفيـت شـوي تجمرنـي بكـي
..........هـم ٍ يفتـت مهجتـي مـن عنايـا
أجمـع جروحـي واتـذرا أبـي فـي
......والقى هجير الحـزن يركـض ورايـا
واطيح باحضـان الألـم آآآه وش بـي
.......ماعدت اميـز صاحبـي مـن أعدايـا
أصبر وأداري شـي وبخاطـري شـي
.........وياكثـر أشيـائـي وقــل أصدقـايـا
أيـوه ياقلبـي وش اللـي جـرى لـي
.......وشلـون ذاك القلـب يجهـل خفـايـا
ألمـا كثيـر وياكثـر حولـي الـمـي
......ولا قدرت اشـرب ولا أروي ضمايـا
ماكـل حـي إن غـاب ينبـدل بحـي
.......بعض البشـر غايـب وهـو بالحنايـا
ياعين ابوي أرجـوك لا تنشغـل فـي
.........أطلـق حجاجـك وأبتـسـم للمـرايـا
الحزن من قبل أعرفك سكـن بـي
.........ومتكـحـل بالعـيـن دون الصبـايـا
هويتـي دمعـه وجمـره بهـا غــي
.......وميـلادي الحرمـان يمشـي معـايـا
وش الجديد إن إنكسـر داخلـي شـي
.......وش الجديد إن ضعـت بيـن البرايـا
من يومنـي طفلـه وانـا أحتـرق زي
.........شمع ٍ يـذوب وتحتفـل بـه زوايـا
أصغر جروحي قلب لـو تلمسـه بـي
..........حـرام لا تحـرق يـديـك الشظـايـا
وأكبر طموحي يوم بـه يشتعـل ضـي
...........حلـم ٍ حملتـه واكتمتـه الخفـايـا
والحيـن لحظـه بـس بقولـك شــي
..........وأبيـك تفهمـنـي وتسـمـع نـدايـا
صحيح وقت ٍ بك جمعني ماهو شـي
.........بالنسبـه لعـرف البـشـر والحكـايـا
وأدري بـأن ايـام معرفتـك شــوي
........بعيـون مـن يجهـل بيـاض النـوايـا
لكن وعز اللي خلق ميـت مـن حـي
...........إنــك مـسـوي بالحنـايـا سـوايـا
وأنك معمر قصر وبيـوت فـي حـي
.........ومدايـن ودولـه وجـيـش وسـرايـا
وحصـون ماشيفـت ولالـه أبـد زي
.........إلا بجـوف وعيـن جـت لـك سبايـا
سبيـت لـك روحـي وكبلـت بيـدي
............شمـوخ قلـب ٍ ماسعـى للـرزايـا
وضعفت لين الضعف ورث لـي الكـي
............وتساقطـت أنـفـاس قلـبـي معـايـا
وجيتك وانا ارجف والجمر ساكن ٍ بي
...........والبـرد مـن دونـك وقربـك دفـايـا
وأزعجتـك بشوقـي وكثـرة أماني
..........وكشفـت لـك أوراق داخـل حشايـا
وروضت لك عقلـي وقلبـي وقوافيـي
.........وعسفت لـك أطهـر شعـور الحنايـا
وهذا وتـوي أعرفـك كيـف لـو لـي
........عشره معـك وسنيـن يااغلـى البرايـا
وانـا الـذي مانـي مثـل هـذي وذي
..........ولانـي مثـل غيـري عديمـة مزايـا
ساسي عريب وبنت من ذكرهـم حـي
.............يعـطـون مايـرجـون رد العطـايـا
ماقول ابوي امير لكـن ماهـو شـوي
...........علمـه ينومـس بيـن مـدن وقـرايـا
من يجهلك مايبرر اللـي حصـل لـي
.........ومن يعرفـك يشريـك بأغلـى الهدايـا
وانا عرفتك قلب به طهـر بـه ضـي
..........وجيتـك لبيتـك مـا حسبـت الخطايـا
وطرقت باب الوصـل والقلـب بيـدي
...........عصفـور بلله الولـه مــن ظمـايـا
وطار الخفوق وجاك باخر نفـس بـي
.........ويومـه وصـل بابـك تهـاوى معايـا
وطاح بيديـك وطحـت بعـده انـا زي
..........طفـل ٍ يتيـم وشـاف بسمـة شفـايـا
من كثـر مـا حبيـت قربـك ياغالـي
........ماكنـت احسـب ألمـن يقـول الوشايـا
ولا كنت اقول يحبنـي او ماهـو لـي
.............أهـم شـي انــي اشـوفـه معـايـا
يكفي احبـه واشعـر بنبضتـه وهـي
.........ترقص طرب في داخلـي مـن غلايـا
والليلـه اللـي جابـت مواصلـك لـي
.........واروت ظما روحـي وضـوت سمايـا
مدري علام الحزن فيهـا سـرى بـي
..........ومـدري وش اللـي زاد فيهـا شقايـا
شعورهـا قاسـي ومنهـا نبـت فـي
..............علقـم ولكـن شلتهـا مــن وفـايـا
وغمضت عيني وازرق الدمـع منشـي
............يرعـد سحابـه ويرتـوي مـن عنايـا
حسسستني بـان الأمـل فيـك مقفـي
...............وانـي بروحـك مالـي أيــة بقـايـا
مـدري ومـدري آآآآآآه ياليتـك شـوي
...............بليلـه تطـل بصـدق بيـن الحنـايـا
وتشوف بحرا داخلـي ساكـن ٍ بـي
................تلاطـم امـواجـه حنـيـن بحشـايـا
تنسفني امواجـه علـى جالـك وبـي
............يصرخ شعور الصمـت بيـن الشفايـا
ياحسرتي من عبـرة ٍ تنتحـب بـي
................عـجـزت أداريـهـا وزادت بـلايـا
تحضر معاك الروح وان رحت تمشـي
...............تغيـب روحـي معـك ماهـي معايـا
العمـر لحظـه سيـدي ومابهـا شـي
..............لا جيتنـي بالشـوق تسبـق خطـايـا
أظما على كلمة غـلا منـك بـه لـي
..............يحيـا شعـوري ويتسـامـى غـلايـا
واجيـك وحشـود الولـه طايـره زي
............سرب ٍ مهاجر والسماء هـي سمايـا
والى وصلتـك اوقـف أتأمـل شـوي
............واشـوف حزنـك واتراجـع ورايــا
ماهـو لأنـي خايفـه أحمـلـه فــي
............وانا الـذي قـد قلـت جرحـك دوايـا
لكن أخـاف يكـون همـك مـن يـدي
.............واكـون كحلـتـك بمكـحـل عمـايـا
لاصرت رايق شمس الايـام لـي فـي
...........ولا ضاق جـوك تحتـرق بـي سمايـا
لايضيق صـدرك منـي بيـوم او لـي
..............مابـي احـس انـي وهبتـك شقـايـا
عنودك كان الوصـل يشقيـك لـه عـي
..............وانا أبسحـب خطوتـي مـن رضايـا
مانت برخيـص بخافقـي يابعـد حـي
...........ولا أقوى العزاء لو قلت عادي عزايـا
وعنودك لو بيـدها لـك العمـر تعطـي
...............ويصيـر لـك عمريـن دون الرعايـا ولو السعـاده يااقـرب النـاس بيـدي
..............ماابخل بها لـو كنـت ماانـت بمعايـا
وان كان شعري ضايقـك اهجـره زي
................نـاس ٍ تمـر ولا تشـوف الخفـايـا
والحين غمـض عينـك وأقتـرب لـي
................ودي أقبلـهـا ولا ابـغـى هـدايــا
والعذر منك كان قصـرت فـي شـي
............سامح قصوري واعتـذر عـن خطايـا