بسم الله ابدا جل رب السماوات=واعوذ بالرحمن من كل غاوي
ويالشعر جملني مع اهل المروات=بعد ان حضرت بحفل جزل المساوي
ويالهاجس اسعفني بوقت المهمات=خابرك عد فالمواقف رهاوي
سلام للعمران في كل الاوقات=ربعي حزامي في نهار العزاوي
اهل الكرم والطيب من فايت فات=تاريخهم ياكنه سهيل ضاوي
واهل المواقف يوم وقت المثارات=عدوهم تكثر عليه النعاوي
الي تناخوا فوق قب الاصيلات=اي والله ابشر في كبار الهقاوي
تاريخهم مثل الجباال المنيفات=مواقف يفخر بها كل راوي
اللي لهم في خد الايام شامات=وقت الرخا ولا بوقت النخاوي
وللشعر في مدح الحميدات وقفات=اهل السلوم مزبنين الجلاوي
طوال الايدي كانها جت بفزعات=قوم على العدوان ماهي بتاوي
وللشيخ ابن مقبول مني تحيات=راع الجناب اللي من العز راوي
طويل يمني كان جت للصعيبات=ويسمع بطيبه بين كل النحاوي
صميدعين يرتكي للثقيلات=ياقف لها مثل الشجاع الفداوي
نفخر بمثله من شيوخ الحويطات=حزامنا لجت لرد النقاوي
قدمت عن صرهيد مضمون الابيات=وحضرت امثل مبعدين الهقاوي
وصلوا على مختار رب السماوات=شفيعا في يوم كاسب وغاوي