الشبكة مسجلة لدى وزارة الثقافة و الاعلام


المواضيع التي تطرح في الشبكة على مسؤولية كتابها و نخلي مسؤوليتنا عن اي طرح مخالف من الاعضاء فهو يمثل رأي صاحبه . و نرجوا التواصل مع الادارة لحذف اي موضوع مخالف او فيه اساءة بأي شكل كان و ايقاف عضوية كاتبه . و لكثرة المواضيع تحصل احيانا تجاوزات قد لا تلاحظها الادارة . لذا وجب التنويه

Google



الإهداءات


منتدى القصص والروايات ساحة القصص الشعبية والروايات الأدبية

ملاحظة: يمنع النسخ لغير اعضاء الشبكة العامة لقبائل الحويطات

إضافة رد
 
LinkBack أدوات الموضوع تقييم الموضوع انواع عرض الموضوع
قديم 28-01-13, 02:42 PM   المشاركة رقم: 1
المعلومات
الكاتب:
اللقب:
متغطرسهــ
الرتبة:
الصورة الرمزية
 
الصورة الرمزية قمرالشمال

 

البيانات
التسجيل: Nov 2012
العضوية: 14870
المشاركات: 2,962 [+]
بمعدل : 1.07 يوميا
اخر زياره : [+]
معدل التقييم: 416
نقاط التقييم: 289
قمرالشمال is a jewel in the rough قمرالشمال is a jewel in the rough قمرالشمال is a jewel in the rough

التوقيت

الإتصالات
الحالة:
قمرالشمال غير متواجد حالياً
وسائل الإتصال:
اخر مواضيعي

المنتدى : منتدى القصص والروايات
افتراضي كيد الرجال يهد الجبال

آشْهَدُ أنَ لْـا إلْهَ إلـاّ الله وَحْدَهُ لـآ شَرِيْكَ لَهُ ، لَهُ اْلمُلْكُ وَ لَهُ اْلحَمْدْ وَ هُوَ عَلْى كُلِ شَيءٍ قَدِيْر




انا لحد قبل ماقرا هالقصه اعرف كيد النساء لكن بعد ماقريتها عرفت انه بعد في كيد رجال
رهيبه القصه لا تفوتكم







كان فيه شاب من اهل القصيم ساكن هو وامه فقط في بيت واحد لأن ابوه كان متوفي

وكانو مبسوطيين وعايشين بكل سعادة وخير مع شح وفقر ذاك الزمان

المهم امه العجوز شبت عليه وقالت له ياوليدي ورى ماتعرس

ودي تزوج علشان اشوف عيالك قبل ما اموت

وهو يقول بسم الله عليك عقب عمرن طوييل يوووه

المهم الحت عليه وهو وافق

وخطبت له امه هاك البنيه اللي كلها ملح

الولد عقب العرس .. ماينلام استانس بحريمته وتوافق هو وياااه الحمدلله

كل يحب الثاني ويوده

لكن المشكله عاد ب( المامي) تقل تضايقت شوي من الوضع(نغرت)

>>------وهذي فطره عند اغلب الحرييم الكباار خاصة مع عيالهم

---->>غصبن عليها

بدت إذا جاء الولد عقب الظهر داايخ

من الشغل وده يتغدا وينام قبل يأذن العصر

وأول مايصك باب الغرفه هو والمره إلاّ والوالده رانعتن عليهم الباب

( تنكيد يعني) قومو صللو يالله

وان كان هو ما أذن تطق وتقول قومو تولمو توضو قبل الأذاان..

ورزح هالباب ماتواطنهم بالغرفه تنهبل

والولد ماغير ( يقول إنا لله وانا اليه راجعون ) وش جاه أمي

وتطوور الوضع بدت العجيّز

إذا منّهم نامو بالليل وأوّل مايتواسوون تطق الباب قومو تسننو صلّو صلاة الليل..

قومو أوترو.. قومو وقومو..وماغير تهجدهم وترجدهم بالليل والنهار

المهم الولد تضايق بالحيل تنكّدت عيشته مايدري وش يسوي

الوالده صارت قشرا ماتعبّرهم داخلين بالغرفه تنهبل على طول ..

مرّه الولد كان عند رفيقن له يقالّه ابوصالح (معرووف بالعياااره)

كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله

قال ابوصالح أنا اعرف علاج أمّك زيين بس تطاوعن؟؟

قال الولد تكفى اللي تبي

بس فكّنا ياشيخ

قال أجل ابقولك : نبي نسوّي خطّه أنا وأنت

بس لازم تطبقها تمام وإلا ترى تبي تخرب عليك

قال الولد .. تكفى قللي

المهم قاله الطريقه واتفقونقرتين لعرض الصورة في صفحة مستقلة

يوم صار من باكر عقب العصر

جاء ابوصالح لبيت الولد وطق عليه الباب

طق طق طق

ابو فلان ابو فلان وبدا يصوّت ابوفلان

(كانت بيوت الأولين صغار بالحيل وهدوء

لدرجة ان اللي بالبيت يسمع كلام اللي بالشارع والعكس)

المهم طلع الولد قال

ياهلاااااا ابو صالح يالله حيه

ادخل اقلط تقهو

قال ابوصالح

لاوالله يابوفلان أنا عجل بس جيت ابي منك طلب وابمشيىىىىىىىىىة

(طبعا رافعيين اصوااتهم علشان تسمع العجيّز-

وهي ماقصّرت جادعتن إذنه تبي تدري وش يبي ابوصالح بولده)

قال الولد ادخل يارجال واطلب اللّي تبي

اللّي تبي بس تقهو

قال ابوصالح .. اللّي ابي؟؟

ماتردّن

قال الولد : والله ما أردّك لو تبي كل بيتي ومابه بس ادخل ..

إلاّ شي واحد ماأعطيكياااه

قال ابو صالح وشّو؟؟ هالشي؟؟

قال الولد : لاتجي بس تبي تخطب أمي؟؟

ترى هذي اسمحلي ما أقدر أطلب كل شي إلاّ هذي ..

قال ابوصالح وراااه ؟؟

قال الولد : الله يعظّم أجره أميمتي

تقوّمنا لصلات العصر قبل يأذّن وتقومنا نتسنن بالليل ..

وتقومنا نووتر قبل الفجر .. وتقومنا للفجر حريصتن علينا

والله مااأفّلبه ابد الله يخلّيها لنا ان شاء الله

قال ابوصالح : والله الصّراحه أنا جاين أخطب الوالده أجل

قاال الولد لااااا ياخووي

أجل طس لاتقهوى ولاشي مع السلامه .. والوالده مهيب معرسه

( كل هالكلااااام والعجيّز تسمع !! ومنهبله)

راح ابوصالح والولد صك الباب

دخل الولد وإلا الوالده بوجهه قالت منهو ذااا؟؟

وش يبي؟؟؟

قال ياميمتي هذا خبل سايح وطلب منّي طلب وطردته ( مابقا إلاّ هي بعد)

اسكتت وهي منقهره تبي تنفجر
وجاء الليل ونامو ولاقامو إلاّ الضحى

وجاء الظهر ونامو وماطق عليهم أحد

والعصر جاء الولد لأمه

قال ياميمتي سلامااات؟؟

ماقوّمتينا لصلات الفجر ولا العصر

عسى مااااشر يووه؟؟

قاالت العجييز : قومو أنتم عسااكم للكسل ميير خلاااص انا منب دايمتن لكم

خخخخخخخخخ

وبدت ماتطق عليهم وافتكّو من شرّه

وهي على رجاء خطه ابوصالح















عرض البوم صور قمرالشمال   رد مع اقتباس
قديم 28-01-13, 11:33 PM   المشاركة رقم: 2
المعلومات
الكاتب:
اللقب:
مســتــشـ ــآر عقيد
الرتبة:
الصورة الرمزية
 
الصورة الرمزية طلال بتال

 

البيانات
التسجيل: Dec 2012
العضوية: 15008
المشاركات: 687 [+]
بمعدل : 0.25 يوميا
اخر زياره : [+]
معدل التقييم: 172
نقاط التقييم: 121
طلال بتال will become famous soon enough طلال بتال will become famous soon enough

التوقيت

الإتصالات
الحالة:
طلال بتال غير متواجد حالياً
وسائل الإتصال:
اخر مواضيعي

كاتب الموضوع : قمرالشمال المنتدى : منتدى القصص والروايات
افتراضي رد: كيد الرجال يهد الجبال

هههههههههههههه تبي تعرس هي وجه هالعجيز


يعطيگ العافية















عرض البوم صور طلال بتال   رد مع اقتباس
قديم 31-01-13, 03:57 PM   المشاركة رقم: 3
المعلومات
الكاتب:
اللقب:
متغطرسهــ
الرتبة:
الصورة الرمزية
 
الصورة الرمزية قمرالشمال

 

البيانات
التسجيل: Nov 2012
العضوية: 14870
المشاركات: 2,962 [+]
بمعدل : 1.07 يوميا
اخر زياره : [+]
معدل التقييم: 416
نقاط التقييم: 289
قمرالشمال is a jewel in the rough قمرالشمال is a jewel in the rough قمرالشمال is a jewel in the rough

التوقيت

الإتصالات
الحالة:
قمرالشمال غير متواجد حالياً
وسائل الإتصال:
اخر مواضيعي

كاتب الموضوع : قمرالشمال المنتدى : منتدى القصص والروايات
افتراضي رد: كيد الرجال يهد الجبال

مساء الورد ... ايه العجوز عندها مشاعر واحاسيس ههههههههههه
اشكرك علي مرورك الجميل















عرض البوم صور قمرالشمال   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:58 AM


Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO 3.5.2 ©2010, Crawlability, Inc. TranZ By Almuhajir

إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL

a.d - i.s.s.w

اختصار الروابط
vEhdaa 1.1 by NLP ©2009