علموا بعض الرجال ان قبل لا تمقس تقيس
وعلموه اللي مقس بالعون ما ادرك ممقسه

كان صار من الشــعر ذيب , يطرد له فريس
الوكـــاد اللــــي فريســـه ذيب لازم يدرسه

علموهم من يصلــي جمعه فـ يوم الخميس
ابك وش حصل من الجمعه وواطـي معرسه

ذيـب جيت ورحـت ذيب ما تعشيت بفطيس
واللسـان اللـي يطول ان ما قطعته لأخرسه

لا يغرك شاعـرك اليا شكـــى الحظ التعيس
والغزل هذي حصـاته هـــاك علــم المدرسه

من قبيله خصـــــها الله بالعلوم ومن جليس
يتعبك قــول الحويطي كـان تجهل مجــلسه

لا تدور بـالنـوايف خــل مــن جـــابك يسيس
الربيـــــع اللـــي قطفته لا تغاشـم واغرسه

خـــل عنك ما يشقــي خلـك بذوق الهريس
ولا تلبـس فوق قـدرك مـنـت باللــي يلبسه

لا تدور في حروفي بنت واحـساس العريس
طبعـنا مـــا ضـــاع فـيـنا مــا تردى , نحرسه

من وردنـا مـا عطـش والواجـب نــرده نفيس
نحشم اللي محتشم واللي تشاطر ندنسه

مــــا ندور بـالقصـيد اللــي مودر لــه ونـيس
ولا تماشـــيـنا دروب الا نوكـــــــد مـنـكسه

وانت همــك في ذرا بيتين والــــواقع ظريس
انتبه علــــم الرجـــــال اللي يجيلك ترفسه

القصـيده واصـــله واللي غطس لازم يقيس
والطواقي لو تطير اللي عشمها حسـحسه


ابراهيم الصقري الحويطات