يا حي من يسوى بفعله قبيلة
نسل الشيوخ الي لهم قدر واجلال
.
تيسير دايم يرتكي للثقيلة
و من دون ربعه يرخص الجاه و المال
.
غيث لفى مثل السحابة المخيله
و سيله يجي جزل من الجال للجال
.
خر و من ضربة يمينه حصيله
و له هيبة تهتز من هولها جبال
.
خاويته بمعنى الخوة الاصيلة
الي على وضح تصقل صقال
.
تيسير من زيه و من هو مثيله
النادر الي تنضرب فيه الامثال
.
هذا اخوي الي بعيني اخيله
و اوقف معه بالطيب في كل الاحوال
.
بمشي دروبه لو غدت لي طويله
و اكون سيفه دايم بوجه الانذال
.
ان جار وقتي همي عني يشيله
و ان جار وقته صرت له في و ظلال
.
الكل منا مدته بالجزيله
و يحفظ لاخوه بدنيته زين الافعال
.
يا حي من يسوى بعيني قبيله
نسل الشيوخ معدلة كل ميال


الشاهر و الاعلامي / محمد الساعد