حدود الهوى

[سند]

يا بنت خِفّي الصوت وش فيه عقلك طار
و اتقولي عقب الحب وش بك تخلّيني

لا تمسكين الثوب قطّعتي الأزرار
ماني من العشاق يا بنت فكّيني

أنا اتسلّى بالمكاتيب و الأشعار
و أشف من كوب العسل ما يكفّيني

أطوف حول الجمر مـ ادوس فوق النار
لو إحترقت بجمرها ما تفيديني

أسامر النجمات و أسلّي الأفكار
و ألاّ الخطا حد الولي بينه و بيني

كلّن تناساه المخاليق غير العار
غلطه وحيده للمهالك تودّيني

هرج الشرف يا بنت يبقى مدى الأعمار
ما نرفعه بمرافعات المحاميني

و ترى الهوى لا من تفلّت يصير إعصار
يشتال في دربه عروش المحبيني

حتى كبار القوم صاروا معاه صغار
كم راح بأسبابه ملوك و سلاطيني

بس الذكي يضبط غرامه على المقدار
لا يحرَم النظرة و لا يطرف العيني

و أنا من رجالٍ تحَشم الخوي و الجار
عن زلّةٍ تِفرح قلوب المعاديني

يا بنت هذا العلم و إبقي من الأطهار
روحي حماك الله و أنا الله يحميني

[الجذامي]

صح لسانك يا سند

ويعطيك العافية على القصيدة الرائعة

تقبل مروري

[عبدالله الموسي]

اخوي

سند

صح لسانك على هذه الرائعه الجميله بكل التعابير،،

ابداع من مبدع

واتمنى انك ماتحرمنا من مفاجئاتك الرائعه


تحيتي

[ابو ريماس]

ابدعت ياسند بالقصيده الجميله


مشكور

[عربى الحويطى]

قصيده رائعه
سند
صح لسانك