دنيا

[mohamed-kamel]

الدنيا حالها انقلب مبقتش زى زمان
قلوبنا صارت حجر أم مات فينا الإنسان
دنيا خدت قلبنا وعقولنا صابها جنان
عايز تشوف العجب قوم لف ع الافران
زحام وقلة أدب وسب فى الاديان
والناس اصابها الجشع تقولش غول سعران
حبيبى زى العسل وف لحظة يبقى شيطان
قلبى الرقيق انكسر ومليته بالاحزان
صاحبى ده خفة وجدع اديته منى أمان
اديته ضهرى انقلب بصيت لقيت تعبان
ونابه الازرق طلع كأنه ضبع جعان
والنم وسط البشر صبح له الف لسان
واللى عملك بطل ويخوض فى عرض فلان
وبنت ماشية ف حالها قطرها كام حيوان
تصرخ محدش نجدها وكالوها كالغربان
وبنت باعت شرفها قال تشترى فستان
وشباب قال فرصة عمل يجوزوا الالمان
كلاب تاكل بعضها خلاص بقيت عيان
انا قلت اروح الجبل واعبد الرحمن

[عبدالله الموسي]

أخي محمد

هنيئاً لك على هذا الأبداع،
قصيده جميله تتكلم عن واقع مرير أصبح
مشهود في مجتمعاتنا للأسف،
وأشكركــ على هذا الحس الملامس لواقعنا،
وأتمنى بأنك تتجاوز الطابع اللهجوي بأبياتك القادمه إن شاء الله
وهذا الأسلوب لايعيبها وينقص من جمالها، لأنه اسلوبك ولهجتك الخاصه،
وليس مصطنع ، فهذا يزيد جمالها اكثر وملامسه لعماق شاعرها،
ولاكن بما ان المتذوقين عده ومن بلاد مختلفه قد كون هذا الطابع
لايعجب البعض،
وأنت شاعر بما تعنيه الكلمه ولابد من أرضاء جميع الأذواق،

تحيتي لشخصك

[mohamed-kamel]

شكرا اخى عبدالله