الجرح الخفي

[سند]

رشّيتني عطرك على حسن نية
لكن عطرك ما وقع غير عالجرح

هيّضت حزني يا صديقي عليّه
و أنا أحسب إنه ضاع في كومة الفرح

أنا أدري إنك ما قصدت الأذيّة
و أنا أدري إنك قصدك اللعب و المرح

وش عرّفك بالعلّة الداخلية
و إنته تشوف إن خاطري واسع و برح

الله لو أردّ السنين الخلية
الله لو هو بيدي الجمع و الطرح

ما كنت أفرّط في هذيك البنيّة
اللي تلفظت اسمها قصدك الشرح

اللي كْبَرت فيني شويّة شويّة
حتى بنت للعشق في داخلي صرح

سبحان من خلّى الضعيفة قويّة
تقوى على النسيان و السهو و السرح

لكن إذا رشّيت عطرك عليّه
إحذر وحاذر لا يجي يمة الجرح

[ابن الفخر]

صح لسانك اخي الكريم

كلمات قويه ورائعه تنم عن قريحه شعريه

لا مثيل لها اخي سند

قصيده جزله من اخا جزل

ولا تبخل علينا بروائعك

لك شكري وتقديري وتحياتي

[الذيب الشمالي]

صح لسانك
شاعرنا سند
تغيب وللجزله تجيب

[الدحمي]

سبحان من خلّى الضعيفة قويّة
تقوى على النسيان و السهو و السرح


لكن إذا رشّيت عطرك عليّه
إحذر وحاذر لا يجي يمة الجرح


قصيدهـ غزليـه من طراز رفيـع ...

لايقدر على صياغتها سوى ..سند..

صح لسانك ..

دمت بود

[مطلق العيد]

صح لسانك سند ابيت جميله


تحياتي لك

[مسلمة]

الشاعر الراقي / سند

احساس راقي ومبدع . صح لسانك ونبضك للقصيدة الجزلة وننتظر غيث ابداعاتك

دائماً . وسلمت يداك شاعرنا الراقي ودمت بتميز


تحياتي القلبية

[سمو المشاعر]

سبحان من خلّى الضعيفة قويّة
تقوى على النسيان و السهو و السرح


لكن إذا رشّيت عطرك عليّه
إحذر وحاذر لا يجي يمة الجرح

شكرا لك على الابيات الجميله والرائعه
وننتظر ابداااعك

دمت