من اكـذب الحكـام والا الصحافـه

[مروق اوقات]

من اكـذب الحكـام والا الصحافـه=ماتقـدر اتجـاوب لابالله مـعـذور
امـا انـا مافيـه شــي اخـافـه=ان عشت من حقي ويلا مت مجبور
اول مرض يثـر عليـك الحسافـه=واخر مرض يقدر يعالجـه دكتـور
اذا قنعـت اقنـع لـكـن بكثـافـه =قناعـة المستشهـد بجنـة الحـور
بتحـس بالراحـه اذا كنـت تـافـه=وبتحس بالراحه اذا كنـت مشهـور
الشيعـه ترشـح علـي للخـلافـه =والسنه تقول ان الخلافه من الشـور
وانـا اشـوف ان الحقيقـه خرافـه =المجتمع نفسـه علـى نفسـه يثـور
قصر الامير اللي وقفـت بضفافـه =غصنه خضر لكن من دون عصفور
ياريئـس الحـراس ليـه الكـلافـه =تراك مثل النـاس منهـي ومامـور
لـولاي ماتدخـل بقصـر الضيافـه =اشلون ترضى لي اوقف ورى السور
ياقلـب ريـح نفسـك مـن الثقافـه =تبي تكون ثـروه بخمسـة اشهـور
في الشرق الاوسط صير عامل نظافه =ترى الوساخه عندهـم لاعبـه دور




من جديد محمد بن الذيب

للاستماع


http://www.alhowaitat.net/uploader//index.php?action=viewfile&id=2282



للتحميل يمين وحفظ بأسم


http://www.alhowaitat.net/uploader//index.php?action=getfile&id=2282

[عبدالله الموسي]

الأخ

مروق آوقات

اختيار رائع

من روائع الشاعر محمد بن الذيب


يعطيك العافية

[مروق اوقات]

الله يعافيك اخوي عبدالله
شكرا لتواجدك الدائم
لا خلا ولا عدم