غزه تنادي

[العميري]

السلام عليكم ورحمة الله وبركاته

غزه تنادي


غزه تنادي والعرب وينهم وين=صمت رهيب وذلة مالها حد
اطفال تقتل مع نساء ومسنين=واحنا تخاذلنا جميعا عن الرد
الله لكم ياطفال معبرفلسطين=احنا تركناكم بعد ثورة الجد
نشجب ونستنكر غدينا مساكين=نخاف من حبل على الارض ممتد
ودنا لهم يوم مثل يوم حطين=بعزم الرجال وقوة مالها ند
متحزمين الصبر وسلاحنا الدين=ونحررك ياقدس من كل ملحد
الله معكم ياصفوف المصلين= ادعو لهم بالنصر ركع وسجد

اخوكم العميري
9/1/2009

[الشهاب]

الله معكـم ياصفـوف المصليـن ادعو لهم بالنصر ركـع وسجـد

الله معكم الله معكم الله معكم

اخى العميرى
جزاك الله خيرا على ما سطرتة
اشكرك اخى على حميتك وما كتبتة يوضح ما بداخلك ويصف مشاعرك التى لا تختلف عن مشاعر الكثيرين.


تقبل تحياتى لك

الشهاب

[العميري]

الشهاب

يسعدني ويشرفني ان تكون اول من يرد على الموضوع
واسال الله ان يفرج كربتهم ويرحم شهدائهم ويشفي مرضاهم
تحياتي لك اخي الشهاب

[المتميز؟]

ودنا لهم يوم مثل يـوم حطيـن ــــــــــــــــــــــــــــــ بعزم الرجال وقـوة مالهـا نـد
صح السانك يالعميري علي هذا القصيده الرائعه وفالك البيرق
وجزاك الله خير الاجزاء
الله ينصر اخواننا اللهم دمر اليهود ومن هاودهم اللهم انصر اخواننا المستضعفين
الله يفرج عليهم كربه
الله يجيب اليوم الي مثل يوم حطين
تقبل مروري

[مسلمة]

الله معكـم ياصفـوف المصليـن ادعو لهم بالنصر ركـع وسجـد

كلمااات ومشااااعر صااادقة ونابعة من قلب محب للامة الاسلامية ومتمنيا لهم النصر والمجد
اسعدك الله اخي العميري لحميتك وندعو الله جميعاااااااااا ان ينصر اخواننا بغزة نصراااا قريب ويمدهم بالصبر والقوة والترابط يارب العالمين

دمت بسعادة ورقي

[عبدالله الموسي]

غزه تنادي والــعــرب وينـهـم ويـن؟
.......................................صـمـت رهـيب وذلـة مالهـا حــد

اخوي العميري

صح لسانك وصح نبضك وصح قوميتك

ويبدو ان العرب ذابت قوميتهم يالغالي وسرنا نعيش بزمن المطاويع!

قصيده جميله وجزاكـ الله عن اخواننا الفلسطينيين كل خير
والله ينصرهم على عدو الله وعدوهم المتغطرس

تحياتي

[مسلم العميري]

الله معكـم ياصفـوف المصليـنادعو لهم بالنصر ركـع وسجـد
الله بسهام الليل يااخواني لاهلنا المستضعفين في الارض
اللهم فك كرب اهلنا بغزة العزه.
صح لسانك مدد وابيات معبره كتبتها بمشاعر
الامه كلها.تقبل تحياتي,,,,

[نديم الشمال]

يعطيك العافيه والله يعين المسلمين

[العميري]

اخواني
المتميز؟
مسلمه
عبدالله الموسي
ابوعمر
النديم
اشكرلكم مروركم وتعليقاتكم الجميله ونسال الله النصر للاخواننا في غزه
ونسال الله ان ياتهن بفرج من عنده انه ولي ذلك والقادر عليه
شكرا لكم مرة اخرى

[ابن شاهين]

ابو عياد يعطيك العافيه على الابيات الجميله

ونسال الله النصر لاخواننا في غزه

تحياتي

[العميري]

ابو عياد يعطيك العافيه على الابيات الجميله

ونسال الله النصر لاخواننا في غزه

تحياتي
اهلاوسهلابك اخي ابووليد
اسعدني مرورك تحياتي لك

[سند]

بدع القوافي لو يطول الطويلين = يا صاحبي ما رد كفٍ عن الخد
و الأمنيات اللي فـ بطن الدواوين = ما زحزحت بيتٍ على طفل منهد
الصوت عند الحرب صوت الكلاشين = ما هو بشاعر بالكلام يتوجّد
يوم أكبر أنجازاتك اتقول بيتين = حماس تفعل ما تهيجن و تقصُد
الله لكم يا واضحين العناوين = يآ خر مدافع عن شريعة محمد
ما همكم قول إختلال الموازين = و حنا لنا جيوشٍ من الخوف ترعد
جيوش ما نبغى و حنا ملايين = خلوا جيوش العار تاكل و ترقد
و الله لو نطلع لهم بالسكاكين = لـَ نعيد لاسرائيل عهد التشرد


الأخ الشاعر إسمح لي فقد جاريتك بشئ من القسوة و هذه القسوة ليست موجّهة لك لكنها ردة فعل على منظر مخزي عندما ينظر الأخوة إلى ذبح إخوانهم و أطفالهم و نسائهم و لا ينصروهم و هم يعرفون أن سبب ما هم فيه اسلاااامهم
الأخ الشاعر العميري أنت في حل إذا رغبت بحذف الرد و صدقني أني برغم عظيم تأثري بما حصل في غزة لم أستطع أن أكتب فيها بيت واحد
و تقبل مروري

[العميري]

يالشاعر اللي جيت من وين من وين=وش فيك مستعجل ومتعدي الحد
وقف ترى للناس عرف وقوانين =واسمع كلامي وافهمه يامسند
ان كان ترمي بامهات النياشين=ودنا نشوف الفعل ياواسع البد
وفعلي يعرفونه الاقصى والادنين=عدل كلامك ياولد وافهم الرد
تبغى تعلى في حساب الشياهين=لكنت ظلمت النفس ضمن المقرد
من بين خلق الله خصيتني عين=وتقول لاتفهم كلامي على الضد
ياوسع هرج قيل في حزة اللين=وياعظم فعل جاك في حزة الشد
ولاعاش راس مايحارب بسيفين=سيف الايمان وسيف من ماضي الحد


مع التحيه

[سند]

يا مرحبا هالحين ما قول بعدين = من شاعرٍ قافه من الخال و الجد
شاعر محنك يعرف الزين و الشين = ما هو يورّدها على غير مارد
و أنته عميري من ربوعٍٍ كريمين = أدناهم اللي بالمواجيب يحتد
أن كان قافي ما عليه البراهين = للحق قاعد عندكم بأي مقعد
و أن كان بدع القاف رجّع بلادين = أذكر مثل و أعطيك حقك مردّد
حنا العرب بالهرج نار و براكين = و لما نجي للفعل ثلج مبرّد
شفنا نتشحّد بأرض سبعة و ستين = و ياظنّتك من بعدها ويش نشحد
يا صاحبي لا تجعل القدّ قّدّين = لا غاب فعلك هرجك يوسّع القدّ
خذ من دلالي قاف وسط الفناجين = مخصوص للي يعتني به و ينقد

[العميري]

اهلا هلا باللي على الرد ضارين = بالشاعر اللي جاب قاف ممجد
الطيب بين الناس بالعسر واللين=واللي فعل يذكر بفعله ويحمد
لو طالب رايك على الراس والعين=لاكن دخلت بعرض ودك تفرد
ودك تدس السم وسط العسل زين=كن على امة محمد مجند
ياللي تقول ان العرب حظهم طين=عندك من التاريخ خذ لك مجلد
حسان يوم اوصاه سيد النبيين=هجا لنا روس الكفر عد..واعد
و نسيت يوم القادسيه وحطين=وايام والتاريخ بالفعل يشهد
ويوم تركنا الدين سرنا ذلليلين=يوم تفرقنا تبي واحد يسد
ويد وحده ماتصفق كيدين=علمت به رجال يصفق بيد
السيد هذا يمكن يسير سيدين= وان طول المشوار يمكن تسند

[سند]

أهلاً هلا بك و أنت من زمرة الدين = قالوا مطوّع قلت أكرم و أسعد
أنا أتكلم في عرب عصر الألفين = و عن الصحابة يا مسلّم مبَعّد
ما هم سوى عنوانهم و المضامين = أحدٍ كساه المجد و أحدٍ مجرّد
هذا كلامه واجد وفعل صفرين = و ذاكه كلامه موجز و فعل واجد
هذا تحكّم به يهودٍ حقيرين = و ذاكه حكمها من فرنسا إلى السّند
هذا منعنا من جهاد المعادين = و ذاكه فتح كل العوالم و جاهد
هذا حكم بالظلم و الزور و المين = و ذاكه على شرع الإله الموحّد
و الحين جيت تقيس ذولا بذولين = قياس فاسد و الخطا منّك أفسد
و أتهمتني في شيل سم الثعابين = و الله يحكم يا مسلّم و يشهد
و الناس طبع أخلاقهم بين نوعين = أحدٍ مسيَّد و أحد ما هو مسَيّد
تبقى كبير و لا أنته من الصغيرين = لكن نصيحة للخطا لا تعّود
لأنك عميري من ربوعٍٍ عزيزين = ما ودّي أزْعل زايد وعيد و أحمد

[العميري]

يامرحبا واهلين واهلين واهلين=ياللي على جزل المثايل تفند
لي الشرف اني معا زمرة الدين=واني مطوع في حياته موحد
وماني مسلم جايك العلم هالحين= انا ابن اخوه اللي على القاف يقصد
ودنا ننقاش هم صرنا بهمين=رغم اقتناعي واقتناعك بما جد
انا نشدت عن العرب وينهم وين=وانته تقول العُرب ماعندك احد
ماشي جديد وضحته الدواوين=لكن منهو ينقد الناس ينقد
راجع كلامك وانتبه للمضامين=تراك بادي بالخطا وتوعد
وانا اعرف سلوم الرجال الفهيمين=واعرف ارد الضد ياصاح بالضد
تذمني يوم اني اذكر فلسطين=يااخي تحرك وافعل لوضعهم حد
فك المعابر وانه حد الحصارين=ودنا نشوف العلم يسمع وينعد
ياقصر ايدين العَُرب وتشوف بالعين=حال العرب في نقص وايضا تردد
الله يدبر مايريده بحرفين=وتعود ارض القدس لوبيح السد
وياصاحبي سلم على السيد حسين=قله ترا ماجد عرف وجهة امجد

اخوك/حماد عياد العميري

[ابومحمدالقرعاني]

غزه تنادي والعرب وينهم وين .......................... صمت رهيب وذلـة مالهـا حـد


اطفال تقتل مع نسـاء ومسنيـن ......................... واحنا تخاذلنا جميعا عـن الـرد





لاتنسوهم ... بالدعاء

[ابومحمدالقرعاني]

ودنا لهم يوم مثل يـوم ................ حطيـن بعزم الرجال وقـوة مالهـا نـد


متحزمين الصبر وسلاحنا الديـن ............... ونحررك ياقدس من كـل ملحـد


الله معكم ياصفـوف المصليـن ................ ادعو لهم بالنصر ركـع وسجـد


الله ... ينصرهم

[سند]

من عندنا باقة زهور و رياحين = للعم و بناخه مرَكِّزة الأوتد
و إحنا تجمّعنا عروق و شرايين = بحويط بن جماز وإبنه سويعد
شاعر و أمثّل كل عقب الرياشين = و من ضنا مشهور متني معضّد
يا صاحبي و الحاضر يكذّب الدين = لأسري لهم لو كان دربي معبّد
يا زينها و إحنا عليهم معَدّين = كتايبٍ تشفي غليل الملهّد
من دونهم تاقف ملوك وسلاطين = حتى فتات الخبز لا مر يرصد
لا جاهم التوجيه من عند كوهين = أستغفر الله لو يريد إنتهوّد
متمسّكين و عاشقين السفيرين = و اللي يحاول طردهم هو بيطرد
با قف قبل لا أمسّي من المساجين = و يصدر لنا بالسجن حكمٍ مؤبّد

[عبدالله الموسي]

الأخ حماد العميري

والأخ سند المشهوري

يعطيكم العافية على هذهِ المناظره الشعرية الرائعة
وصح كلكم

بسراحة استمتعت بما طرحتم

ودمتم بأبداع ورقي

تحياتي

[سند]

الأخ المشرف المشرِّف عبد الله الموسي
أشكرك على الإطراء و كلنا أخوان و في النهاية عيال عم
أخوك / عبد الله بن أحمد المشهوري ( سند )

[العميري]

من عندي ارفع لك البيضا بيدين=يابحر للقيفان يتعب به المد
والنعم فيك وفي الرجال المسمين=والطيب والمعروف باقي وممتد
من راس شيخا بدل القاسيه لين=حويط ابن جماز والطيب له عد
والله يحييكم على الطيب لافين=عد الرجال مطوعة كل ملتد
يازينها واحنا ضداد المعادين=الى اختلط دخانها ملح من زند
الله لايجيب الكفر والملاعين=وانجوا لنا...في عيونهم نحثي الرمد
وعساك تبقى ياحفيد الشجيعين=وعسا تطيب ايامك ولاتنكد
وقفت مبغا يحسبوا العلم علمين=اخاف راسي من عناها يزود


مع التحيه والتقدير

[سند]

صح لسانك يا أبو عياد و لاهنت
و كذاطلعنا حبايب و هي ما لها غير كذا
أهنئك على هذا الشعر الجزل و أهنئ منتدانا بك
و تقبل شكري

[العميري]

ودنا لهم يوم مثل يـوم ................ حطيـن بعزم الرجال وقـوة مالهـا نـد


متحزمين الصبر وسلاحنا الديـن ............... ونحررك ياقدس من كـل ملحـد


الله معكم ياصفـوف المصليـن ................ ادعو لهم بالنصر ركـع وسجـد


الله ... ينصرهم

اسعدني مرورك وتعليقك والله ينصرهم على اعدائهم

[العميري]

الأخ حماد العميري

والأخ سند المشهوري

يعطيكم العافية على هذهِ المناظره الشعرية الرائعة
وصح كلكم

بسراحة استمتعت بما طرحتم

ودمتم بأبداع ورقي

تحياتي

اهلا وسهلا بك يابوعابد وصح بدنك
ومرورك اضاف هنا الشئ الكثير عساك على القوه
وكلنا اخوان كما قال اخي عبدالله المشهوري
فاهلا بك يالغالي

[العميري]

صح لسانك يا أبو عياد و لاهنت
و كذاطلعنا حبايب و هي ما لها غير كذا
أهنئك على هذا الشعر الجزل و أهنئ منتدانا بك
و تقبل شكري
صح بدنك وصح السانك
صافي يالبن ونبقى اخوان وحبايب
وانا اهنئ نفسي بمجارة شاعر بحجمك شاعريتك
الله يعطيك العافيه وعساك على القوه
كل الشكر

[ابن عيـــــاد]

صح لســـانك

[رحالـ]

الأخ العميري
صح لسانك على هذه القصيدة الرائعة
وصح السنتكما انت والأخ سند
على هذه المجاراة الرائعة
حقا جميعكما شعراء وفطاحلة
ولستم بحاجة الى شهادتي
ولاكن الغريب بالأمر
غيابكم عن الساحة الشعرية
اتمنى لكم التوفيق والظهور والمسير قدما
دمت بود

[المشاهد]

صح لسانك يالعميري
وقصيده رائعه كشفت لنا
شعراء جدد من حمادالى المشهوري
نتمنى لكما التوفيق

[العميري]

صح بدنك اخوي ابن عياد
شاكر مرورك وتعليقك

رحال
اسعدني مرورك وتعليقك واطرائك
واتمنى ان اكون عند حسن الظن
تحياتي لك

اخي المشاهد
اشكر لك مرورك واطرائك
لك تحياتي

[ابن العميرات]

قضيتنا الاولى قضية العرب
اللهم انصرهم
تقبل مروري

[أسد الحويطات]

الله يعطيك العافية اخو حماد

والشعر وجزالته غير مستغرب من أبناء هذه القبيلة

والشكر موصول أيضاً للمبدع المشهوري

أسعدتمونا بهذه الرديات الله يسعد أيامكم ولياليكم