يا درب قِل لي ( أهزوجة )

[سند]

يا درب قِل لي وين أروح
جاوبني أرجوك إبوضوح
ليه المصايب و الهموم
تبني على جنبك صروح
**
و الدليل
إني معوَّد عالشِّقا همي الثقيل
و الدليل
ماشي بدربي تايهن مالي دليل
يادرب من كثر الملل
من كثر ما فينا علل
صرنا نْتَسَلاَّ بالجروح
يادرب قل لي وين أروح
**
و الكمين ...
و يش الكمين بداخلي غير الحزن ..
و الدفين ..
ذاك العذاب اللي توارى وإندفن ..
يا درب يا درب الوعَر
ما بين أشواك و حفر
أرجوك أنا جسم و روح
يا درب قل لي وين أروح
**
و السرور ..
ساعة تجيني عابرة بين الشهور
كالطّيور ..
ترحل و قِلِّ المكْث من طبع الطيور
متصبِّرن لو تبتعد
يمكن يجي طير السعد
عنِّي يزوح الهم زوح
يا درب قل لي وين أروح
**
لا تقول ..
إنا وصلنا للنهاية .. لا تقول
لا تقو ل..
تمَّت و ذي كل الحكاية .. لا تقول
يا درب باقي لي أمل
تكفى شوي إبعد و طُل
بالرغم من كثر الفشل
يا درب أنا عندي طموح
يا درب قل لي وين أروح ..

[مطلق العيد]

صح لسانك

راائعه مانثرته

وابداع

تحياتي لك

[نديم الشمال]

سند يعطيك العافيه

وما قصرت

تقبل تحياتي