ابيات للمجاره 00 البساتين يجنى وردها عود عود 000

[عيد قيضي البلوي]

البساتين

شفت قلب الغرام ايقوده الشوق قود = وشفت كسر الخواطر مثل كسر الزجاج
يامزونا تهل الماء بليا رعود = اسقت الورد من ماها وماها هماج
اقلعي ماك لايحرق جمال الورود = اقهري في سماكي ماك لجله اجاج
سقية الورد من روح الغرام الودود = والسعاده تزيده من حلا وبتهاج
البساتين يجنى وردها عود عود = ون بغيت الجمال يزود بالازدواج


مع اجمل تحايا اخوكم الشاعر:عيد قيضي البلوي

[الدحمي]

اقلعي ماك لايحـرق جمـال الـورود
اقهري في سماكي ماك لجلـه اجـاج
سقية الورد من روح الغـرام الـودود
والسعاده تزيـده مـن حـلا وبتهـاج

رائعه ..وصح لسانك ولا عثر حصانك ... وننتظر الشعراء اللي يجارون .. >> يمكن يجاريك هه


دمت بود ..

[نديم الشمال]

يعطيك العافيه

دائما تاتي بالدرر
وتعود وكانك العيد ياعيد
تقبل تحياتي

[العميري]

صح السانك اخي عيد بن قيضي على الابيات الجميله
وننتظر مشاركة الشعراء بالمجاراه
وارجو من الجميع المشاركه بدون استثناء
لكم ودي وتحياتي

[وليدالحويطات]

صح لسانك قصيده رائعه
اتمنى من الجميـــــــــــــع المجاراه
وانا راح ابدا في محاوله مجاراه للقصيده في ثلاث ابيات




شفت عاشق يخسر الورده ويطلب ورود = وشفت واهن لا قطف ورده يجيه العلاج
طيب العنوان مثل اللي سما برقه يزود = وانت عنوانك سطيع ولا يجيه العجاج
في هدب عينه تشوف ان الجمال بلا حدود = ولا حكى صوته طرب صوتي وانا له اناج

وسلامتكم

[هداج]

الله الله ياعيد صح السانك وصح السان وليد اللي بداهاا معك

هذي محاوله متواضعه عساها تجملنا معك يابن قيضي



ماخبرت المزن سقيه هماجاً يعود= ولا سمعت الورد جنيه يعود بخراج

أزمة الشوق لا هبت رياح الوعود= وسط قلباً من اللّوعه تذكّر وهاج

مثل من ضاعت ذلوله بوسط النفود= القيظ في حلقة وبعيونه عجاج

والموده مايمرّضها إلاّ الهجر والصدود= والمواصل للقلوب أسباب العلاج

محتمل ياشاعر المعنى تصَك الحدود = بس الاكيد الليل يتلاه إنبلاج


وسلامة قلبك ياغالي

[العميري]

مرحبا والقوافي مثل عد النقود=وسط سوق المعاني ماتجي بالكراج
في بساتين حبك ازرع اللي يفود=لابغيت الثمر ينبت وتجني خراج
ليه تجزى محبك بالجفا والصدود =ليه عقب الموده صار فيه انعواج
جف ورد الربيع وجتك ايام سود=لانك انت بيدينك قمت تطفي السراج
وين عهد الموده وين ذيك الوعود=ليتني ماعطيتك نجمتينن وتاج
مع التحيه

[نديم الشمال]

بسم الله الرحمن الرحيم
المعذره لو اختل الوزن ياعيد هاذي ودها واحد في شعيب مخلي يغنيها
الواحدعلشان يوزنها (ولا يلام المرء بعد اجتهاد 0والحقيقه ضروفي ؟
بس حبيت اشارك والعذر (وكلمة هيه زي كلمة(خلوها)للتوضيح

مايلام (المرء مره)ولو بذلت الجهود=السماء ماصفتلي(والجماعه عجاج)
وانت ياعيد تبدع(هيه)جتك الردود=وضحكة السن واجد(ايه فلة حجاج)
وان تولاك ظالم (كيف؟حكم اليهود)=ضاعت القدس مره (بين شجب0احتجاج)
واعتذرمنك مره0لو وصلت الحدود=علتك من قريبك وين تلقى العلاج
(الدراهم مراهم)وعيبي اني زهود=مير بقعا غريبه 0ماتعدل مزاج
قولة الله رحمني 0غير قولة شرود=ولاتفل الذيابه(من(ط000)النعاج
وكيف ماهي غريبه والحصاني فهود=حر عن حرواقفى0جاك وقت الدجاج
ازرع الورددايم(مانبت بالنفود=والسبخ لو زرعته(مانبت لوعجاج)

[مطلق العيد]

مرحبا بالنبيه والشوق يكوي كبود=ياعيد هذا الهوى ولع قلوبن ولاج

نسقيه دمع وسهر ونجني عذاب وجحود=مافاد فيه الرجا وكثر الاسى واحتياج

ماينبت الورد في صبخ الفيافي الجرود=والشوك مافاد زرعه مسقي (بمية اوجاج)

اسمع اسمع نصيحه كان ودك بفود=اختار تربه ثمينه وتجني احلى خراج

ياعيد هذا كلامي وعسى التهاني بزود=ياعيد هذا سلامي من راس وافي المزاج

[عيد قيضي البلوي]

اجمل التحايا والتراحيب الطيبه بكل من حضر وشرفنا وتفاعل معنا

بصدر رحب ياهلا ومرحبا ملايين 0

واشكر اخواني الشعراء الذين قاموا بالرد على الابيات اشكرهم على المشاركه والروح الشعريه

وتبادل المشاعر واقول لهم ابياتكم جميله جزله وزادت الموضوع شرف واعطت القاري مجال اكبر في الاستمتاع

بالشعر 0 حياكم الله اعزائي والهدف من الموضوع هي الاستفاده من بعضنا البعض 0 اشكركم مرة

ومرات عديده ولي الشرف ان اكون ضيفكم 0


اعزائي الشعار لدي ملاحظه على الموضوع 0 حيث ان المطلوب ليس الرد على الشاعر بقصيدته

المطلوب مجرات الابيات بابيات تما ثلها وتحمل نفس المعنى الذي في الابيات وبالاخص البيت الثاني

0 الذي هو بيت القصيده 0

احييكم في كل حين 0 وبانتظار تجاوبكم 0 وفق الله الجميع لما يحبه ويرضاه

وتقبلوا تحياتي وتقديري

[نديم الشمال]

السلام عليكم ورحمة الله وبركاته
اخواني وحبايبي
انا رجال احب الصراحه والصدق
انا احب اشطح والمجاراه تحكم ولو ان المعنى في بطن الشاعر
مدري من قاله كيف هو ياكله اوذاكرة القصيد في المصران
ماعلينا
خلينا في المهم
تجربه جديده وبروفه تمرين
سموها اي اسم والمعنى واحد
انا اقول ان المسابقه تكون شهريه
وعلى النحو التالي الشاعلرله الحريه في اختيار الموضوع
وبعد ذلك تحددلجنة التحكيم والمشكله مسبقا القصيده الفايزه
والجايزه ان فزت فيها انا اقبل الاشياء العينيه ولو من قوت اهل البلد
(شطحت)
واول ما يبدا الاعضاء المشارلهم بلقب شاعر قبل الاسم
ويكون كبيرهم اللذي علمهم 00000
يبدئها (لقمان الحويطات)
وهذا الاسم اطلقه شاعرنا الشاب والمبدع والرائع
عايد بن ربيع على مسلم عواد
وبعد يقوم المشرف بدق وثد للتثبيت
وليس دبوس
وش رايكم
الحريه وترك الشاعر يختار قصيدته تتركنا نرى مواضيع
عديده فلكل شاعر مواضيع يبدع فيها

[هداج]

أخوي عيد لدي ملاحظه جدا جدا صغييييرة..
أنت تريدها مجاراه ولا تريدها رديه ..كما فهمنا من عنوان الموضوع !! إذن
ليس من الضروري على الشاعر أن يبحث عن بيت القصيد ولو أنه واضح .
إنما يكتفي بالمعنى العام وإلا أصبحت ردية معنى بيت بيت نقض وفتل.
وهذا أللي مشى عليه أغلب الإخوان وأنا منهم .. وبالنسبه لي أنا أحب أمسك
العصا من النص في كل شي وللمعلوميه الهدف ليس الدخول في مسابقه
( ولو إني طفران وبحاجه جايزة أمشي أموري فيها ههههه)
لكن الهدف هوالإلتقاء مع مثلك وشرواك بعيد عن هموم الدنياااا

دمت بود أخي الكريم

[العميري]

نشكر الاخ عيد بن قيضي على ماتفضل به
ولا ازيد على ماتفضل به الاخوان
وسوف نقوم بتشكيل لجنه من شعراء الشبكه
لنعرف ارائهم حول هذه المجاراه
وسوف نقوم بوضع الية للمسابقة
وتأخذ اقترحات نديم الشمال بعين الاعتبار
ومن لديه اقتراح واضافه فليتفضل بطرحها
تحياتي لكم

[نديم الشمال]

يسعدك ياحما دوقول لهداج يحلم
انا اطفر منه

[هداج]

نديم الشمال
شوي وتقول لازم نسوي قطّه من اعضاء المنتدى
عشان الجايزة .. هذا اللي تدور عليه عشان مانلقاك
إلا بفرانكفورت ياذكي !!!

[نديم الشمال]

نديم الشمال

شوي وتقول لازم نسوي قطّه من اعضاء المنتدى
عشان الجايزة .. هذا اللي تدور عليه عشان مانلقاك

إلا بفرانكفورت ياذكي !!!

هداج وانت على وزن المجاراه يسعد اسمك
انا احلامي ماتعدت علقان
وبعدين انا قلت القافيه شابت قلت اغير الموضوع قصدي الطاروق
ياحبيبي انا احب ان يترك الشخص يعبر بحريه
والمسابقه والجايزه والمجاراه وفرانكفورت مبروكه عليك
اجري على راحتك
في روض مخلي
رايح العب سيجه قصدي بلياردو

[هداج]

هداج وانت على وزن المجاراه يسعد اسمك
انا احلامي ماتعدت علقان
وبعدين انا قلت القافيه شابت قلت اغير الموضوع قصدي الطاروق
ياحبيبي انا احب ان يترك الشخص يعبر بحريه
والمسابقه والجايزه والمجاراه وفرانكفورت مبروكه عليك
اجري على راحتك
في روض مخلي
رايح العب سيجه قصدي بلياردو

ياشين شطحاتك يانديم الشمال
أنا قصدي إنك لا تدقق خلي كل شي يعبر ياحلو..
عموما زين ماسويت علقان ريضانها مخليه هالأيام
دمت بخير

[ناسك]

مرحبا والقوافي مثل عد النقود=وسط سوق المعاني ماتجي بالكراج
في بساتين حبك ازرع اللي يفود=لابغيت الثمر ينبت وتجني خراج
ليه تجزى محبك بالجفا والصدود =ليه عقب الموده صار فيه انعواج
جف ورد الربيع وجتك ايام سود=لانك انت بيدينك قمت تطفي السراج
وين عهد الموده وين ذيك الوعود=ليتني ماعطيتك نجمتينن وتاج
مع التحيه

صراحه بداية القصيده في البيت الاول ابداع, وذكرتني ببيت يقول:
يامرحبا عد ما الالي عطش **** طلقه بطلقه كما عد القروش
مع اني متاكد انك لا تعرف البيت ولا قائله, وتقبل تحياتي

[الشاعر معشي الذيب]

البساتين

شفت قلب الغرام ايقوده الشوق قود = وشفت كسر الخواطر مثل كسر الزجاج
يامـــــزونا تهــل الماء بليا رعــــود = اسقــت الــورد مـن مـــاها وماها هماج
اقـــلــعي ماك لايحرق جمال الورود = اقهــري فــي سماكــي ماك لجــله اجاج
سقية الـورد من روح الغرام الودود = والسعاده تــزيـده مـــن حـــلا وبتــهاج
البساتين يجنى وردها عـــود عـــود = ون بـــغــيت الجــمال يــزود بالازدواج


مع اجمل تحايا اخوكم الشاعر:عيد قيضي البلوي

تم تنسيق القصيده من قبل ابن عثمان ( وشكرا لشاعر على هذه المقطوعه الملاء بالشعر)

[ابو اسامه]

كم وليف ٍ معذب طول ليله ينود
غارق ٍ في هوا اللي مالها به مزاج
كم وكم لو تحسبها تراها تزود
بين كسر ٍ وجبر ٍ حلوها والهماج
شفتهن يابن قيضي في سماهن ركود
والسحابه تبدل نوها بالعجاج
يا سلامي على اللي وافي ٍ بالعهود
ماتعنى بنهاره وسط الاسواق داج
منيته حور عين ٍ عند رب الوجود
مرخص ٍ كل غالي وعن هوى النفس ماج

[ابو اسامه]

كم وليف ٍ معذب طول ليله ينود=غارق ٍ في هوا اللي مالها به مزاج
كم وكم لو تحسبها تراها تزود=بين كسر ٍ وجبر ٍ حلوها والهماج
شفتهن يابن قيضي في سماهن ركود=والسحابه تبدل نوها بالعجاج
يا سلامي على اللي وافي ٍ بالعهود=ماتعنى بنهاره وسط الاسواق داج
منيته حور عين ٍ عند رب الوجود=مرخص ٍ كل غالي وعن هوى النفس ماج