طرق معقّد

[عناد الرواد]

سريت الليل لما غباش الصبح لملم
جروحي مير عيا يوردني هيامه

على خد الثريا جديل الليل سلم
أحطَب له ضلوعي ويتركني علامه

إلين الليل يقفي و وجه الصبح ألئم
تباريني همومي وانا كلي شهامه

عليم الله قلبي من جروحه تألم
مشاريهي كثيره ولا قصدي غشامه

تبارزني عيونه عيوني ما تثلم
ولكن ما ذبحني قوام الا قوامه

دريت ان المحبه تبلعم من تكلم
تورده المهالك لو انها في تهامه

يحظ اللي نساها ولا فيها تحلم
على قد المخدة بدت اولى حلامه

عرفت ان السنافي الى منه تولم
يرده طيب راسه ولو تطحن عظامه

خدود الورد تذبل واغصانه تقلم
الى منه اشلهبت سنين (ن) من عدامه

لويش القلب يشقى لناس (ن) ما تعلم
تظن الخير فيها وآثاريها جهامه

[ابو راما]

يعطيك الف العافيه
على الطرح الشيق
تقبل مروري
تحيااااااااااااااااااتي