وين الصديق اللي يهز الطوابير

[مطلق العيد]

نمشي على وضح النقا يالهوامير=نمشي على وضح النقا يالعفيري

نمشي على كف القدر بالمحاذير=نمشي على كف القدر بالنذيري

نمشي على درب العنى والمقادير=نمشي نخالط سهلها والعسيري

نمشي ونقطف من زهور النواوير=نمشي وسط ديره نفلها عبيري

ياحلوها السجه وشوف المغاتير=في برمخلي تو روضه مطيري

يرتاح بالي من عناه وتفاكير=وارتاح من جو المدن والزميري

ياقلب ادله والليالي تصاوير=والشوق في قلب المعنى يحيري

ياحافي الاقدام قدمك مسامير=الدرب يمنى وانت دربك خطيري

لا لا تعذر ماتفيد المعاذير=خلك على دربك ودربك قصيري

اعرف مدى الرجال وقت المسافير=اما عطيته وجه ولا تديري

شفت البشر يعشق حياة المضاهير=وشفت الصدق غايب ويشكي اسيري

والحلم غايب والامل بالتباشير=والوقت ضايع والليالي تغيري

وين الصديق اللي يهز الطوابير=طاح الجمل والكل جاب الشطيري

اقدع شقى والهم يقبل قناطير=والعين تذرف دمعها ياخشيري

كيف الصديق يبيع خوة مناعير=وزود على البيعه عشرة مصيري

خط الصداقه جف واظما المصادير=خاويت في دنياي وشفت السعيري

كل ماتذكر مامضى والمشاوير=اضيق واصبر واتعشم بخيري

وارجع واقول الله يجزى الدنانير=كم ضيعة ناس (ن)وسوت اميري

وكم احرمة جايع وتصنع هوامير=وكم نوخت شيخ ن مضى له هديري

ياصاحبي عقبك نسيت المسايير=ودنياي بعدك كالكفيف البصيري

[المآسه]

.,’

صح لسآنك ..

عزفت على الحروف وشكيت لهآ الحآل لم تخذلك لآنه وآقع عندك وعندي وعند الجميع ..

ولكن يكمن الاختلآف على قدرة الشخص على البوح ووضعه بنص يريحه من بعض

مشآعر تؤلمه ...


أعجبني وتقبله .. مع دعوآتي لك


دمت وسلمت


,.’

[نديم الشمال]

روعه يالبنآخ

انت دايم راعي جزلات وسمان لاعدمتك

[مسلم العميري]

مطلق العيد:كثيرا ماتعطينا من خلال نصوصك الجميله
صورا من الواقع الاجتماعي المحيط بنا من كل اتجاه
وهذا مايميز المبدعين هو توغلهم بنصوصهم في اعماق
من حولهم بنقل صور قد تكون متكرره.
لك تقديري ابو فارس,,,,,

[مرسى الاحزان]

صح لسانط يامطلق قصيده تهز الطوابير
لاهان راسك يالقرم

[الشامخ]

يعطيك العافيه ابو فارس قصيد جزله في معانيها أعجبني أسلوبك في التعبير وكيف تصوغ الابيات

[عظيم إحساس]

صح لسانكــ ابيات جزلهـ
ماهي غريبهـ

ياقلـب ادلـه والليالـي تصاويـر
والشوق في قلب المعنـى يحيـري
ياحافـي الاقـدام قدمـك مساميـر
الدرب يمنى وانت دربـك خطيـري

[عاشق الدله]

يعطيك العافية شاعرنا الرائع وكلامات في الصميم


شـكــ وبارك الله فيك ـــرا لك ... لك مني أجمل تحية .