أوصيـــــك

[قــرنــاس]

ياعناد لو حاربت انا الجن والناس=وتوحدت ضـدي بعـاد وقرايـب
ولو الزمن جرعني المر بالكـاس=وقامت لي الدنيا تكيـل المصايـب
لنطح بصدري يافتى كل هوجـاس=وبالكف اخوض غمارها والحريب
ولاني من الي يتقي شر الانجـاس=في صمت ويعـود ذليـل وخايـب
وعمري بيد اللي خلق كل الاجناس=ولابد من يـوم تحـط النصايـب
وماني كما اللي لاغدا ليله ادماس=الـى بغـى لـه نيـة رد هايـب
قليل عرف اليا اظلم الليل يحتـاس=وضاقت عليه الواسعات الرحايـب
كب الذ ماهو على الدرب بجـاس=بلوى رفيق وزاد حمـل الركايـب
واوصيك باللي خوته ترفع الراس=يمضي ولو كانت جروحه عطايب
لاهد له كف تقـل كـف قرنـاس=مرباه مابيـن الفضـا والهبايـب
وليا نخيته عالخطر لامشـى داس=واذا استشرته يعطي الراي صايب
ويو المصايب كلمته دوم لابـاس=وينطح من جنود الليالـي كتايـب
ويقدم الى من الخطر دق الاجراس=عزام باليمنى يعسـف الصعايـب
مايخون بالعشره ولاهوب بـلاس=وما يدق باب الجار والجار غايب
عن عورة الجيران بعيونه نعـاس=ويغضي حيا عن ناقضات الذوايب
يبعد عن المنقود وافي وحسـاس=وفي واجبه موجود ماهوب غايب
لو كان بالدنيا على حد الافـلاس=ورزقه كما سرحان غصب ونهايب
كفه كما مزن نشا عقب نسنـاس=يروي ظما قاع هشيمـه حطايـب
ولو الردي ماله كثر رمل الاطعاس=خلـه يعلـه للفنـا والذهـايـب
ياعناد هذي لك وصيـه ونبـراس=ومن شب كان الموت خلاه شايب
وافطن ترا مافيه للجـود مقيـاس=وكل بما عنـده اذا طـاب طايـب



الشاعر\محمد بن فياض الدماني الحويطي (أبو عناد)
يوصي إبنه

عناية\أحمد الحويطي

[إحــســاس شــاعــر]

إبداع أخي قرناس ودائما متميز

طرح القصائد الرائعه وفقك الله


وصح لسان الشاعر محمد الدماني


عز الله شاعر جزل ولا فيه حيله ................

لاهد له كف تقـل كـف قرنـاس
مرباه مابيـن الفضـا والهبايـب
وليا نخيته عالخطر لامشـى داس
واذا استشرته يعطي الراي صايب



تحياتي لك / وتقبل مروري


**أخوك/ إحساس شاعر

[بــعــيــد الــهــقــاوي]

عز قصيده جزله من شاعر يعتبر من

فحول الشعرا عند الحويطات ولا يهون

باقي الشعار ....

يعطيك العافيه أخوي قرناس على هذه النقله

الرائعه....


تــــــحـــــيــــاتــــــيـــــ لــــكـــ

[قــرنــاس]

إحساس شاعر

بعيد الهقاوي

أشكركم على مروركم الجميل

وتحياااااااااااااااتي لكم

[يعقوب العمراني]

شكرا لكم وصح لسان الشاعر .