ابتغزل

[مطلق العيد]

حبيبي وين يا مفارق اشوف الوقت طولها
عسى ماشر بغيابك ترى صبري يعنيني

سنيني تطلبك لحظه دخيلك لا تجاهلها
على ذكرى على موعد على احلامن تشقيني

سفينه في بحر تغرق ولا سباح يا ا صلها
و ليلن باردن ظالم به الونات تكويني

محيطك والغزر واضح مهي بانهار مسهلها
جمعت المختلف فيني تعصيني و تهديني

الا يا اروع الالحان كاتبها و مهللها
الا يا ساقية بستان من نبعك تغذيني

ابتغزل على كيفي مدام ان الغزل الها
نهايه والشعر صرخه تلملمني و تمحيني

سوالف تنتهي و تروح و بالخافق أكبلها
و تبقى دايم الذكرى و على شوفه تمنيني

[نديم الشمال]

روعة جدآ يآالبنآخ

روووعه والله روعه

بحر مآيكتب عليه الآ الكبآر

الله يوفقك

[حويطي الشمال]

صح لسانك اخوي مطلق على القصيدة الجزلة
والرائعة .......تقبل فائق تحياتي

[الحاكم]

" الا يا ساقية بستان من نبعك تغذيني "


وانت يامطلق اسقيتنا اعذب المعاني والمفردات

نص رائع من شاعر مميز

" تحياتي "

[نديم الشمال]

ابتغزل على كيفي مدام ان الغزل الها
نهايه والشعر صرخه تلملمني و تمحيني


منت هين يالبنآخ ههههههه

الله يعطيك العافيه

مغزلجي مثل خآلك

نصيحه يبناخي درب الهوى شين شيب خآلك

*صح لسآنك وعلآ شآنك

طآروووق كبآآآآآر

[مطلق العيد]

نديم الشمال

هلا وغلا اسعدني مرورك وتعليقك

والخال والد .....مغزلجي

لاعدمت هالمرور

تحياتي لك

[مطلق العيد]

حويطي الشمال

هلا فيك وحياك

اسعدني تواجدك تحياتي لك

[مطلق العيد]

الحاكم

مرورك غير ياصديقي

الله لايحرمنا منك

ودي وتقديري

[طير السعد]

مطلق اطلقت العنان الى الابداع
ومدام هذا خالك فالابداع ليس بغريب
تحياتي لكم وصح لسانك