أيا زيد شب النار واحمس على الغضا

[عناد الرواد]

دموعي تسامرني والآهات ناشبه
كأنها خرز مسباح وانتي شراشبه

أيا زيد شب النار واحمس على الغضا
فناجيل كيف , البال زاد العراش به

أبا الجو لا يصفى فعطني ربابتي
اجرّ الحزن وضلوع صدري هشاشبه

وحنا كما سندان والهم مطرقه
متى القلب ينساها واحس انتعاش به

حلاة الرجل صبره اذا الحب غلطته
يداوي جروح الحب مادام عاش به

عفا الله عن غلطه انا اللي اقترفتها
والانسان يضعف يوم تكثر مناشبه


******************


يا زيد ملّيت ادوّر للامل قطره
وغيري بدون احسده بالحب متشبعي

يتوق فيني عناد الشعر للمطره
توق الاسير الكسير لفزعة الربعي

يمشي بسوق العطر متناسيا ً عطره
وانا على ريحته طقيت له صبعي

ماهو تصنّع وكل شي ٍ على الفطره
وشلون ابفتح مجال ويكتشف طبعي

سلّم ليَّ المبسم المغموس فالبطره
وانا رشفته مثل ما ارتشف نبعي

[نديم الشمال]

حضور وسيع الطعنه

لايشبهه الا حضور وسيع الطعنه

هلا ياراع الجزلات

[مشعل الشامان]

حضووورك له رونق اخر بعيدأ عن القصيده