الطلاق

[ابو خالد الحويطي]

يالي تعجل في قرار الفراقي = ريض وفكر قبل تشتيت ألاطفال
تعوذ من أبليس هو والحماقي = ترى الزعل يخلفك في بعض ألاحوال
لحظة زعل تقضي على ألاتفاقي = ويسير شياً ماخطر لك على البال
وكلاً من ألاطراف لاراق فاقي = يندم الى فكر وعنه الغضب زال
معروف ان أبغض حلال الطلاقي = ومنهج شريعتنا يعالج للاشكال
اسعى لدرب الخير خيراً تلاقي = وأغلق أبواب الشر ياطيب الفال
بالطيب ترقى في رفيع المراقي = وطبع التسامح من حميدات الاخصال
بالحلم والحكمه تحل الشقاقي = وأترك سفاسيف المشاكل على جال
بعض الامور تحلها بالرواقي = كان الخطا هين ولك فيه مدخال
وان كنت تبحث عن كمال ألاخلاقي = الكامل الله خالقٍ كل ألاشكال
والبيت مايبنى بليا أرواقي = تجيه صفقات الهبايب وينهال
وان مابقي للصلح فالبيت باقي = فكك ألامور بحلم وأحسان وأجلال
هاذي نصيحه صادره من أعماقي = نصيحة(ن) تشمل لأنثى ورجال



الشاعر/ أحمد عيد الطقطقي

[الــراقي]

صح لسانك ياابو عبدالرحمن
على هذه الرساله الجميله
للطرفين ..
الله يعطيك العافيه ياابو خالد

[حويطي الشمال]

بارك الله فيك ابو خالد وصح لسان الشاعر قصيدة جزلة
وهادفة وعساك علقوة. كل الشكر تقبل فائق التحيات

[نديم الشمال]

بسم الله الرحمن الرحيم

ابو عبدالرحمن


ابوخالد

السلام عليكم ورحمة الله وبركاته

الشكرلك يابو خالد على ايراد هذه القصيده

والي وده يعرف الوزن والسلاسه في الاسلوب

(ماعليه سوى قراءة في مثل هذه القصيده)

هنآ أقف وقفه اعجآب بالمعنى والاسلوب

*وآفيه من رآس وآفي

وان كنت تبحث عن كمال ألاخلاقي&&الكامـل الله خالـقٍ كـل ألاشكـال
والبيـت مايبنـى بليـا أرواقــي&&تجيـه صفقـات الهبايـب وينهـال

بيتين من أجمل مآقرأت

وترآني جايك في عرس الشب الحلو(عبدالرحمن)

وعقبالي وعقبآلك يآرب

والله يتمم لكم بالافرآح

سلآم

[خاطب الحور]

صح لسانك ياأبو عبدالرحمن
والله يعطيك العافيه أبو خالد على النقل
قصيده هادفه كل بيت فيها أروع من الذي يليه

[ابويزن الطقطقي]

صح لسان شاعرنا ابو عبد الرحمن وقصيده رايعه ويعطيك العافيه ابو خالد على النقل ونبي المزيد من ابو عبدالرحمن وسلامي لكم جميا

[ابو خالد الحويطي]

اشكر جميع من شارك في صفحتي اسعدتني ردودكم وتعطرت صفحتي بمروركم

الجميل والمعذرة منكم لعدم الرد بسبب العطل الفني من الاتصالات

دمتم بود

[ابوريان الطقطقي]

صح لسانك موضوع هادف ويستحق الكتابه عنه وتقبل تحياتي

[الشاعر معشي الذيب]

الله عليك يالطقطقي والله جزله من جزل وجزاك الله خير على هذه النصيحه التي تكتب بماء الذهب