.. سارهـ ..

[جلنار]

http://www.s3udy.net/pic/decoration003_files/43.gif




ساره وأنا ابوك قومي لمـي ألعابـك
الصبح قـرب يبيـن ومابعـد نمنـا ..

بكرة تنامين في الحصه على كتابـك
واستاذتك منتهـى تزعـل وتزعجنـا ..

وتعلم أمك عليك وتحـرق أعصابـك
وما أظنها عقـب إهمالـك تصدقنـا ..

تدرين بإنهـا قبـل ماربنـا جابـك
ومن قبل مالرب أنا وأمـك يجمعنـا ..

قالت مدام إن أبو ساره مـن ألقابـك
عن ساره اكتب قصيدة وصف وسمعنا ..

قلت أكتب شلون والله مارزقنـا بـك
وماشفتـك الا بحلـمٍ دوم يسعـدنـا ..

وناديت شعرٍ قبل شوفك تغنـى بـك
ويالله عسـاه بغلاتـك مـا يخيبـنـا ..

بديت أوصّـف لهـا وردك وعنابـك
اللي الشذى مـن برائتهـا يعطرنـا ..

وعلمتها كيف يزهر تحتـك ترابـك
من طيب روحك ومن خـدٍ ينورنـا ..

وكيف الفرح تذبل أوراقه من غيابـك
لي جا صباح المدارس ثـم توادعنـا ..

وإذا رجعتي وقلبي فـز وهـلا بـك
كل الملامح تضيـق بكبـر بسمتنـا ..

وعلمتها كيف حسن الكون يزهى بك
وكيـف يتعلـم بلوحاتـه يلامسـنـا ..

وكم ذاق أبوك الشقا عشان يحظى بك
ولا عرف سـرّه الا الـرب خالقنـا ..

والحيـن يالله نقـوم نبـدل ثيـابـك
ونامي عشان (ام سـاره) ماتعاتبنـا ..


والقصيدة كتبها شاعرها من وحي خياله ..
نتمنى ان يرزقه الله سارة وتقرٌ عينه بها :rose:

[نديم الشمال]

الله يرزقه بساره

ويخلي لي نور الدنيا كلها

(بنيتي الوحيده)

غلا البنآت مامثله غلآ

جلنـــــــــــار ألف شكـــر

[جلنار]

اللهم آمين ..

يحفظ لك بنتك ويخليها وتفرح فيها إن شاء الله
نديم مشكور على المرور ,,

[نديم الشمال]

الله يبارك فيك ويحفظك

وين الناس؟؟؟؟؟؟؟؟؟؟

[جلنار]

وين الناس؟؟؟؟؟؟؟؟؟؟

هلاا حياك نديم ..

أي ناس ما فهمت :confused:

[ذيب الشوامين]

يسلمو جلنار

كل الشكر



الذيب

[نديم الشمال]

هلاا حياك نديم ..

أي ناس ما فهمت :confused:

انت الناس

اشوفك تغيب ومجرد سؤال

نفتقد الناس الطيبين